Dy talente për Elbasanin, gati lista me afrimet “big”
Elbasani ka "hapur" dyert këto ditë për lojtarët që duan të afrohen në skuadër dhe të provohen për të fituar një vend në klubin verdheblu për këtë sezon. Numri i tyre rritet nga dita në ditë, ndërsa për cilësinë ka ende dyshime, duke qenë se në testin e bërë brenda shtëpisë, nuk u evidentuan lojtarë që mund të bëjnë diferencën. Gjithsesi, përgjigjja përfundimtare pritet të jepet në fund të javës, ku do të kryhet edhe një tjetër test miqësor. Në lidhje me afrimet, me verdheblutë janë afruar edhe dy sulmues të rinj në moshë. Bëhet fjalë për Kejdi Ballën, i cili vitin e kaluar ishte ka Elbasani që i mungon Superiores. Verdheblutë kanë qenë për herë të fundit në elitë në sezonin 2014-2015. Kampionati i ardhshëm do të jetë i 4-ti radhazi që ekipi nuk është pjesë e më të mirëve.
pjesë e Luftëtarit, por nuk iu dhanë hapësirat për të treguar veten. Të dhënat e lojtarit janë shumë të mira dhe sipas të gjitha gjasave mund të konsiderohet si një lojtar i Elbasanit. Gjithashtu, në skuadër është rikthyer edhe Sherif Sadiku, i cili vitin e kaluar militoi në radhët e Shkumbinit.
Përpos tyre, me Elbasanin ka dalë në stërvitje edhe ish- portieri i Apolonisë, elbasanasi Argjend Hasfatija. EMRAT "BIG" - Në futboll nuk ka shumë rëndësi sasia, por cilësia. Këtë gjë e dinë mjaft mirë edhe në Elbasan, ndaj për momentin nuk janë të kënaqur me afrimet provizore që janë bërë. Në Kategorinë e Parë duhen shumë përforcime dhe emra "big", të cilët mund të mbajnë mbi supe shumë përgjegjësi dhe t'i mundësojnë skuadrës realizimin e objektivave. Verdheblutë i kanë bërë piketimet në merkato, por pa bërë njëherë një spastrim të prurjeve të shumta, nuk kanë ndërmend që të zyrtarizojnë afrimet. Megjithatë, e gjitha mbetet për t'u parë se çfarë do të bëjnë drejtuesit, nëse do t'ia dalin të formojnë një skuadër pretendente apo do mjaftohen me të rinjtë. Vladimir Mema