Higuain “kafshon” në debutim, por Reali mund Milanin

Bejl dhe Benzema bëjnë diferencën, Reali në formë për Superkupën

je u zhvillua edicioni i 39-të i trofeut "Santiago Bernabeu", me një ndeshje mes dy rivalësh historikë si vendësit e Realit të Madridit dhe Milanit. Teksa madrilenët hodhën në fushë formacionin më të mirë me përjashtim të Luka Modriçit, kuqezinjtë nga afrimet e kësaj vere prezantuan titullar Higuainin. 80 sekonda nga vërshëllimat e fillimit të takimit dhe "Los Blancos" marrin avantazhin me Benzemanë që dërgon në portë një krosim të Karvahalit. "Djalli" merr masat dhe kundërpërgjigjet menjëherë me Higuainin, që nga jashtë zone mposht Navasin me një goditje të saktë në shtyllën e dytë. Pjesa parë rrjedh me aksione nga të dyja palët, ku Kesi dhe Suso janë ndër më të rrezikshmit nga Milani, ndërsa Reali jep ndjesinë se mund të shënojë në çdo aksion me secilin nga lojtarët që i afrohet zonës. Sidoqoftë, për golin e avantazhit të dytë vendës duhet pritur fundi i pjesës së parë, kur gjatë zhvillimeve të një goditje këndi, Bejl gjendet i vetëm në zonë ku i duhet vetëm të dërgojë topin në rrjetë. Me avantazhin madrilen, mbyllet pjesa e parë, teksa të dytën ekipet e nisin me zëvendësime. Pikërisht ndryshimet e formacionit karakterizuan fraksionin e dytë të lojës duke ndikuar ndjeshëm në ritëm, me Gatuzon që u dha frymëmarrje shtatë lojtarëve, teksa Lopetegui ndryshoi të gjithë skuadrën që pati nisur sfidën. Teksa Baka dhe Kutrone u munduan të risjellin ekuilibrat, goli i tretë madrilen nga Majoral ishte një përfundim logjik i sfidës, që vuri në pah

cilësitë e madrilenëve, ndaj një ekipi si Milani me ide loje, por me mekanizma ende në fazë testimi. Sinjalet pozitive për "Djallin" erdhën nga Higuain, Suso dhe i palodhuri Kesi, ndërsa Bonaventura doli në pah vetëm për një tentative në goditje dënimi. Mesfushori i

shumëkërkuar i nevojitet si ajër këtij Milani, me Gatuzon që duhet të përmirësojë edhe diçka në nivel taktike. Për kampionët në fuqi të Europës, pozitive skemat e Lopeteguit, me Vinsius që mund të jetë arma shtesë, mbase që në Supërkupën e Europës ndaj Atletikos.

Trofeu "Santiago Bernabeu" iu dorëzua kapitenit të Realit, Serxho Ramos, nga Paolo Maldini. Në momentin e marrjes së trofeut, mbrojtësi madrilen bëri sikur hiqte kapelën përballë drejtuesit të Milanit në shenjë respekti. Legjenda kuqezi është një idhull i Ramosit, fakt ky që futbollisti e ka bërë të ditur që në fillimet e karrierës së tij.