"Teutës i duhet pak kohë"
Trajnerin Bledi Shkëmbi e pret një sfidë e vështirë te Teuta, por ish-kapiteni i Skënderbeut e pret me qetësi dhe siguri këtë eksperiencë në krye të pankinës durrsake. Teuta fitoi duelin me Lirinë e Prizrenit, por u mund nga Partizani. Gjithsesi, Shkëmbi, në prononcimin e dhënë pas triangolares për "RTSH" pranoi se pret më shumë nga ekipi, por në përgjithësi është i kënaqur. Ai pranoi se merkatoja e Teutës është thuajse e mbyllur. Paraqitja- "Presim akoma më shumë nga ekipi, por në përgjithësi jam i kënaqur, sidomos nga ndeshja e parë. Normal që nuk mund të krahasosh Lirinë me Partizanin, pasi të kuqtë kanë një ekip më të kompletuar dhe të fortë. E di mirë që afrimet e fundit kanë vështirësi dhe synimi ynë kryesor është që pas një jave kur nis edhe kampionati, të gjithë lojtarët të jenë në maksimumin e tyre".
Afrimet- "Sigurisht që afrimet duan kohën e tyre, por kemi disa lojtarë me eksperiencë në ekip, të cilët janë gërshetuar me të rinjtë. Një ekip që është bërë rishtas do kohën e tij, por kjo nuk është një arsye për të mos bërë mirë. Kemi edhe një javë kohë dhe shpresoj që në ndeshjen e parë të kampionatit të jemi në maksimum".
Rivaliteti i sezonit- "Duke parë skuadrat dhe përbërjet e tyre mendoj se ky ndoshta do të jetë kampionati më i rivalizuar, sepse për mendimin tim të gjitha ekipet janë aty-aty". Merkato- "Mendoj se merkaton e kemi mbyllur, por kur ka kohë, gjithmonë nuk i dihet. Në pjesën më të madhe e kemi