Luftëtari bën tripletë në Ballsh, shënojnë sulmuesit

Miqësorja, gol Shkurtaj, Milosavljev dhe Ymeraj

Bylisi dhe Luftëtari luajtën dje një ndeshje miqësore në stadiumin “Adush Muça”, e cila ngjalli edhe interesin e qindra tifozëve vendës. Gjirokastritët ranë në sy me lojën e tyre edhe në sajë të kualiteteve që kanë. Mungesa e vetme ishte ajo e fantazistit Eduard Rroca, i cili sipas klubit bluzi po kryen një fazë riaftësuese në Janinë dhe do të jetë gati për ndeshjen e parë të kampionatit. Për Luftëtarin shënuan të gjithë lojtarët e pjesës ofensive, duke filluar me Vasil Shkurtajn, serbin Vladan Milosavljev dhe Maldin Ymerajn. Madje, qendërsulmuesi Shkurtaj humbi edhe një penallti në pjesën e parë.

PJESA E PARË - Ballshiotët dhe gjirokastritët luajtën me formacionet e tyre më të mira. Te Bylisi luajtën edhe dy afrimet e reja, pogradecarët Shyti dhe Liçkollari. Ballshiotët qarkulluan topin, madje pavarësisht golit të Vasil Shkurtajt të miqve, ndonëse janë në kulmin e fazës dhe me dy seanca në ditë. Ballshiotët kanë pasur edhe raste, madje disa herë janë shfaqur edhe rrezikshëm në portën mike, ndërsa nuk kanë mundur të shënojnë. Pjesa e parë është mbyllur 0-2 në favor të miqve, të cilët këtë test e kanë shfrytëzuar në kuadër të ndeshjes së parë me Kastriotin. Serbi Milosavljev është shënuesi i golit të dytë për bluzinjtë dhe kjo pjesë u mbyll 0-2.

PJESA E DYTË - Bylisi bën dy zëvendësime, në lojë Mehmetaj e Bajramaj, për Pucin e Samdën. Ndërkohë, Luftëtari nuk ndalet. Gjirokastritët kanë edhe një tjetër rast, Hyseni fiton penallti ku Doksani bën faull në zonë. Gjuan Shkurtaj, por edhe pse me Dramollin e mundur, topin e ndal traversa. Më pas, bluzinjtë pas një aksioni me kombinime të shpejta shënojnë edhe golin e tretë, këtë herë me anë të Ymerajt. Ritmi i lojës bie ndjeshëm, pasi të dy trajnerët aktivizojnë thuajse të gjithë lojtarët e stolit. Afrimi më i fundit i gjirokastritëve, Balsa Radoviç, nuk u aktivizua në këtë takim. Erjon Saliu GOLAT: Shkurtaj 20', Milosavljev 35', Ymeraj 75'

BYLISI: Dramolli, Ntepe, Doksani, Samda, Çela, Shyti, Kullira, Puci, Liçkollari, Murataj, Mahmutaj. ( Hina, Kasaj, Mehmetaj, Bajramaj, Jazaj, Kapllanaj, Hyska).

Trajner: Agim Meta

LUFTËTARI: Ruçi, Liçaj, O.Rapa, Janiçiç, Xhekson, Aleksi, Ramadani, D.Rapo, Ymeraj, Milosavljev, Shkurtaj.

( Bukovski, Shumeli, Açka, Janku, Jaupaj, Çelaj, Bellai, Oshafi dhe Hyseni).

Trajner: Millosh Kostiç