Mesi magjeps Barcelonën në start
arça- Alavesh zgjat "dy" ditë, Kutinjo futet dhe ndryshon "marshin" e lojës
Nisi të shtunën dhe përfundoi të di elën. Barcelona fiton një ndeshje që "zgjati" dy ditë, sepse startoi në orën 22:15 dhe përfundoi pak pas mesnate. Dhe protagonisti ishte pikërisht Leo Mesi. Dy gola, dy shtylla dhe lojë spektakolare për të udhëhequr katalanasit në fitoren e parë të kampionatit. Alaveshi rezistoi vetëm > 5 minuta dhe me futjen e Kutinjos në fushë gjithçka ndryshoi. Edhe braziliani gjeti rrjetën.
MESI, TRAVERSË- Ernesto Valverde i beson gardës së vjetër dhe nuk zbret asnjë nga lojtarët e afruar në merkato në fushën e lojës. Semedo titullar në të djathtë, ndërsa Serxhi Roberto i avancuar në mesfushë për të formuar treshen me Busketsin dhe Rakitiçin. Dembele bashkë me Mesin dhe Suarezin luanin në majën e sulmit. Ndeshja u luajt e gjitha në një drejtim dhe ky nuk është lajm. Por lajmi është që Alaveshi arriti të duronte tentativat e njëpasnjëshme të Barcelonës për të shënuar. Portieri Paçeko u tregua vendimtar disa herë ndaj Dembelesë, i cili doli disa herë i vetëm në zonë dhe goditi keq. Por ishte Leo Mesi që iu afrua golit në minutën e 37-të me një goditje dënimi, por topi u ndal në traversë. Pjesa e parë u mbyll me rrjeta të paprekura falë vendosjes së mirë në mbrojtje të Alaveshit dhe dëshirat për ta sulmuar me kundërsulm.
DHE... GOLA- Nuk mund të zgjaste pafundësisht "muri" i Alaveshit dhe ai që e shemb ishte pikërisht Leo Mesi. Të gjithë prisnin golin e ]000-të në historinë e La Ligës prej tij dhe "Pleshti" nuk zhgënjeu. Ekzekutoi në mënyrë mjeshtërore një goditje dënimi poshtë murit të Paçekos dhe kaloi në avantazh katalanasit. Si për çudi, Leo ishte ai që kishte shënuar edhe golin e 5000-të. Ai gjithashtu u bë lojtari i parë që shënon në 15 sezone të ndryshme La Ligës. Kaq mjaftoi që Barcelona të ishte më e qetë për të treguar vlerat, edhe për faktin që në fushë u fut Kutinjo. Braziliani solli më shumë fantazi dhe për më tepër gjeti golin e dytë të ndeshjes. Kutinjo depërtoi nga e majta drejt qendrës duke kaluar disa mbrojtës dhe e djathta u ndal në rrjetë. Barcelona nuk e diskutoi asnjëherë triumfin dhe për ta bërë më të bukur mesnatën mendoi sërish "Pleshti". Shënon golin e tretë dhe vulos një triumf të merituar. Kapiteni magjeps Barcelonën dhe tregon muskujt që në ndeshjen e parë duke konfirmuar se është më i uritur se kurrë. Nëse rivali i tij Ronaldo vuajti ndaj Kievos dhe nuk arriti të gjente rrugën e rrjetës, Mesi shënoi dopietë në start.