Mungojnë Rrapa dhe Radoviç

Seanca e paradites së djeshme e zhvilluar në fushën e stadiumit "Gjirokastra" në orën 11:00, mbylli për bluzinjtë ditët e përgatitjeve anti-Tirana. Edhe pse të "sakatosur", pasi mbrojtësi Oltion Rrapa mungon për shkak kartonësh, ndërsa mesfushori i krahut, Balsa Radoviç, prej dëmtimit që pësoi në Vlorë, trajneri Mezani mes dilemës së lojtarëve në dispozicion, duket se ka ravijëzuar formacionin me të cilin do të përballet sot me Tiranën.