Daja rikthehet në Korçë: Dua t’i mund me Flamurtarin

“Marrëdhënie pozitive me qytetin, të mësuar me mungesat”

lir Daja nuk është nos talgjik për të shkuarën. 27 maji ka qenë hera e fundit që u shfaq në Korçë përpara tifozërisë vendëse, por rikthimi tashmë si kundërshtar nuk do të thotë ndonjë emocion për trajnerin e vlonjatëve. Në konferencën e djeshme për shtyp, Daja e cilësoi të vështirë ndeshjen e sotme, por tha se kërkon të dalë me pikë. Numri një i pankinës vlonjate foli me shpresa për zgjidhjen e çështjes “Kale” pas ndërprerjes së kampionatit.

Riktheheni në një qytet ku keni punuar një vit e gjysmë dhe keni fituar gjithçka. Çfarë ndjesie keni? E keni menduar momentin kur do të futeni në stadium?

Sigurisht që nuk është si të gjitha fushat e tjera. Është hera e parë që unë shkoj në Korçë pas atyre që ju përmendët. Nuk po i përmend vetë, pasi kanë qenë meritë e të gjithëve bashkë. Shkoj si kundërshtar, si trajner i Flamurtarit dhe shkojmë me idenë e qartë se nëse duhet që të marrim rezultat pozitiv në Korçë, përveçse duhet shumë vlerësim, duhet të jemi edhe të fortë nga ana psikologjike për të menaxhuar drejt ato vlera që ne kemi.

Kur u larguat nga Skënderbeu pati njëfarë zhgënjimi te tifozët korçarë. Çfarë prisni, t’ju duartrokasin apo jo?

Do t’i ndaj pak, pasi të flas për veten nuk është në ato pjesë që mua më kënaq. Unë

do të thosha që hera e fundit që kam qenë në Korçë si trajner ka qenë data 27 maj dhe tifozët më kanë pritur jashtëzakonisht mirë. Ka qenë edhe 30 maji, por kësaj radhe kemi qenë në Elbasan ku prapë kam pasur mbështetjen e tifozëve. Kësaj here shkoj si trajner i Flamurtarit me korrektësinë më të madhe, pasi më mbaroi një kontratë në Korçë dhe kësaj radhe më pëlqente të vazhdoja një sfidë të re. Jam i kënaqur me zgjedhjen që kam bërë.

Një barazim në Korçë do të ishte pozitiv për Flamurtarin apo do tentoni fitoren?

Skënderbeu, jo vetëm në këtë kampionat, por ka gati dekadën e fundit që kryeson kampionatin shqiptar sepse ka shtatë tituj të fituar. Është një fushë shumë e vështirë përsa i përket aspektit sportiv. Është një ekip që deri në këto momente ka treguar se ka një formë të mirë sportive, pavarësisht se vjen nga një humbje në Tiranë me Laçin. Besoj se edhe ata do të bëjnë maksimumin që të mos pësojnë dy humbje radhazi, por edhe ne kemi objektivat tona. Duke e vlerësuar maksimalisht, do t’i gjejmë ato pika të forta që Skënderbeu ka, mbi

të cilat kemi punuar këto dy ditë që kemi pasur në dispozicion për të arritur qëllimin që kemi për të marrë pikët në Korçë.

Cilat janë mungesat që keni ndaj Skënderbeut?

Nuk përbëjnë ndonjë lajm mungesat, pasi gjatë gjithë kohës kemi luajtur jo me të gjithë kontingjentin që kemi në dispozicion. Shpresoj që ata që do hidhen nesër (sot) në fushë nuk kanë nevojë për motivim sepse dihet që në një fushë si ajo e Skënderbeut ku luhet futboll, të gjithë kanë qejf që të japin maksimumin. Ajo që na takon ne si staf është që lojtarët t’i përqendrojmë te detyrat taktike në mënyrë që loja të mos udhëhiqet nga doza emocionale, por nga logjika sportive.

Çfarë të rejash kemi për çështjen “Kale”, do e paguajë klubi dëmshpërblimin te Kukësi?

Me informacionin që kam deri në këto momente, Kale vazhdon të mos jetë as nesër (sot) në ndeshjen që kemi në Korçë. Mund të kemi diçka pozitive pas ndërprerjes së kampionatit. Kjo mbetet për t’u parë, por thashë që Kale mungon nesër ( sot) në stadiumin “Skënderbeu”.