Koliçi: S’na kënaq një pikë, dalim me kokën lart

Enea Koliçi nuk është i kënaqur me një pikë në ndeshjen e sotme me Skënderbeun. Portieri vlonjat thotë gjithashtu se korçarët janë një nga ekipet e forta të kampionatit shqiptar. “Skënderbeu mbetet një nga ekipet e forta të Superiores. Edhe kur kam qenë pjesë e ekipit të Kukësit kemi pasur shumë vështirësi, sidomos brenda në Korçë. Ne jemi gati për këtë ndeshje duke u përgatitur në dy ditët që kemi pasur në dispozicion. Do të japim maksimumin dhe shpresojmë të dalim me pikë nga kjo transfertë. Nuk kënaqemi kurrë me një pikë, pasi gjithmonë futemi për fitore. E dimë që do të jetë një ndeshje e vështirë, por duhet të dalim me kokën lart nga kjo ndeshje dhe duhet të marrim pikë të plota”, shprehet Koliçi.