STATISTIKA

- Kjo e sotmja është ndeshja numër 165, në Serinë A, me Juventusin që i bën vizitë Milanit. Bardhezinjtë udhëheqin këtë statistikë me 61 ndeshje të fituara, teksa vendësit kanë siguruar fitoren vetëm në 48 raste. Plot 54 kanë qenë rezultatet e barabarta në këtë sfidë.

- Me 24 gola deri në këtë moment të kampionatit, Juventusi ka sulmin më të fortë të Serisë A.

- Juventusi ka fituar dhjetë nga njëmbëdhjetë sfidat e fundit në kampionat me Milanin: e fundit e fituar nga kuqezinjtë (në "San Siro", 1-0, me golin e ndeshjes të shënuar nga Manuel Lokateli). - Tetë herët e fundit që dy skuadrat janë përballur në "San Siro" (duke qëndruar në Serinë A), kuqezinjtë nuk kanë arritur të shënojnë më shumë se një gol (gjashtë realizime në total).

- Milani është skuadra e Serisë A që e ka ndëshkuar më së shumti Juven. Plot 49 fitore kuqezi.

- Nga sezoni 2010-11, Milani ka humbur pesë nga tetë ndeshjet "shtëpiake" kundër Juves. Një vuajte të tillë "Djalli" nuk e ka provuar ndaj asnjë rivaleje tjetër në të njëjtin hark kohor.

- Milani ka fituar tri ndeshjet e fundit në Serinë A. Nuk regjistron një ecuri më të mirë që në marsin e këtij viti kur preku kuotën e pesë fitoreve radhazi.

- Në takimin e fundit në kampionat kundër Udinezes, "Djalli" nuk pësoi një gol për herë të parë në këtë edicion të Serisë A. Që prej marsit të këtij viti, kuqezinjtë nuk regjistrojnë dy ndeshje radhazi pa u ndëshkuar.

- Në pesë kampionatet më të mëdha europiane, skuadra e Alegrit është e vetmja që nuk e ka shijuar ende humbjen në transfertë për vitin 2018. 12 suksese dhe tre barazime për bardhezinjtë.

- Pasi drejtoi Milanin për 133 ndeshje në Serinë A, Maks Alegri ka korrur 7 fitore në krye të Juves në tetë përballjet me ish-skuadrën e tij.

-Me pesë gola dhe dy asiste Paulo Dibala ka marrë pjesë aktive në 7 gola gjatë tetë ndeshjeve të luajtura kundër "Djallit" në kampionat.