Tonali i shkel syrin Milanit: Jam kuqezi
“Unë si Andrea? Jo, më ka frymëzuar gjithnjë Xhenaro Gatuzo”
andro Tonali është një nga talentet më të kulluara të futbollit italian që po pret të bëjë hapin e madh në karrierë. Në Itali janë të sigurt që 18vjeçari do të jetë pasuesi i denjë i Andrea Pirlos jo vetëm për ngjashmërinë fizike, por edhe për mënyrën e lojës. Lëvizjet, pozicionimet taktike dhe madje edhe vrapimi, futbolldashësve u kujton legjendën e Milanit dhe Juventusit, i cili po ashtu ka një të kaluar te Breshia.
Italia - 18- vjeçari ka tërhequr interesim nga shumë klube europiane falë paraqitjeve me klubin nga Serie B dhe moshat e reja të Italisë, çka i ka mundësuar edhe grumbullimin me kombëtaren e Roberto Mançinit, megjithëse nuk ka luajtur ende ndeshjen e tij të parë në Serinë A. Pikërisht nga Koverçano, ku është i grumbulluar me “Axurrët”, mesfushori ka folur për emocionet e të qenurit në kombëtaren e madhe: “Është një ndjesi e fortë me emocione të mëdha. Për mua është një ëndërr që realizohet prania në këtë grup dhe do të luftoj për të qenë në vazhdimësi pjesë e tij”.
Merkato - Në fjalën e tij në konferencë për shtyp, Tonalit i është dashur të përgjigjet edhe për zërat e merkatos. Në fakt, prej kohësh disa klube të rëndësishme si Juve, Milan, Inter dhe Çelsi duan të gjejnë një akord të favorshëm me Breshian për të riun, por kërkesa e presidentit Masimo Çelino vërtitet te 25 milionët eurot. “Fanella e ardhshme? Sinqerisht që nuk e di. Nuk e kam menduar ende të ardhmen, por nuk mund të mohoj që ngaherë kam qenë tifoz i Milanit”. FRANCEZI
Nga kuqezinjtë te Gatuzo e Pirlo rruga nuk është e gjatë, me mesfushorin (luan në tre pozicionet e mesit të fushës) që megjithëse krahasohet me Pirlon ka habitur gazetarët kur deklaroi: “Nuk jam i ngjashëm me Pirlon. Gjithmonë më ka frymëzuar
Gatuzo, për shpirtin e tij luftarak dhe agresivitetin e shfaqur në fushë. Më krahasojnë me Pirlon për shkak të karakteristikave fizike, por megjithëse e vlerësoj si kompliment, është një aspekt për të cilin nuk mendoj shumë”.