Roma e “sakatuar” para zikaltërve, të dielën Di Françesko luan stolin
Pesë janë lojtarët e dëmtuar të verdhekuqve
Edin Xheko, Stefan El Sharaui, Daniele De Rosi, Lorenco Pelegrini dhe më i fundit, Ante Çoriç. Është kjo lista e gjatë e të padisponueshmëve te Roma dhe situata bëhet akoma më kritike për Di Françeskon, i cili, të dielën në mbrëmje (ora 20:30), do presë Interin në “Olimpico”. Sigurisht, dëmtimet janë një alibi më se e pranueshme, por megjithatë ajo ndaj zikaltërve duhet të jetë prova e zjarrit për teknikun roman, që në rast disfate me siguri do të largohet. Së bashku me të përflitet edhe një largim i drejtorit teknik Monçi, i cili i faturon vetes një pjesë të sezonit negativ që po zhvillon Roma. Spanjolli vetëfajësohet për shitjet e shumta në verë (Naingolan, Alison, Strotman...), e sidomos për moszëvendësimin e të larguarve me lojtarë që t’i garantonin vijueshmëri projektit të Xhejms Palotës. PERROTI- PASTORE OK - Megjithëse kualifikimin e siguruar me humbjen ndaj Realit, trajneri verdhekuq vështirë se do të vazhdojë të drejtojë ekipin, nëse situata nuk ndryshon që të dielën. Ndaj Interit nuk do të mjaftojë një paraqitje e mirë, pasi objektivi kryesor mbetet rezultati. Dy lajmet e vetme pozitive janë një rikuperim në limite i Perotit (por, ndaj Interit, sidoqoftë, do të duhet diçka më shumë për ta parë në fushë dhe siguri 100% nga stafi verdhekuq), ndërsa edhe Pastore po sfidon kohën për të qenë në fushë ndaj zikaltërve. Dy argjentinasit janë të vetmit që mund të grumbullohen ndaj Interit, pasi vështirë të imagjinohet aktivizimi i tyre që nga minuta e parë, pavarësisht emergjencës së dëmtimeve që ka prekur klubin e kryeqytetit italian.