Rrogat Rrogat dhe... dhe... dhe... Osmani, si si u u përça përça Skënderbeu brenda një muaji
Deklarata e mbrojtësit tronditi grupin e lojtarëve për financat
Situata e vështirë që po kalon Skënderbeu, duket sikur nuk është thjesht në kuadrin e humbjeve dhe rezultateve negative që ka marrë ekipi në 7 javët e fundit të kampionatit. Në kushte të tilla, korçarët dukshëm kanë edhe probleme të brendshme, të cilat nuk po i lënë lojtarët të qetë që të jenë të përqendruar për ndeshjet. Nga njëra anë, vendimi i KAS-it po vonon dhe kjo nuk ndikon mirë në klub dhe te futbollistët. Nga ana tjetër, pjesa financiare dukshëm mundon Skënderbeun. Ndonëse këtë herë lojtarët nuk prononcohen në lidhje me diçka të tillë, burime të sigurta të gazetës bëjnë me dije se një pjesë e futbollistëve të Skënderbeut kanë gati katër muaj që nuk janë paguar dhe kjo është pjesa që sjell mosqëndrueshmëri në ekip. Mungesa e rrogave ka sjellë dukshëm pakënaqësi dhe mbi të gjitha mospërqendrim. Po të njëjtat burime bëjnë me dije se klubi është duke pritur që të mbushen arkat e veta, si pasojë e një granti që pritet të vijë nga UEFA, por ende nuk dihet se kur ky ngërç do të marrë zgjidhje.
DEKLARATA E OSMANIT
Ajo që i trazoi më shumë ujërat në kampin bardhekuq është edhe deklarata e dhënë pas ndeshjes me Teutën nga ish-mbrojtësi korçar i Skënderbeut që tashmë është kapiten te Teuta. Osmani e tha hapur se një pjesë e lojtarëve, kryesisht senatorët, kanë marrë pagat paradhënie deri në fund të këtij viti dhe kjo shkundi ambientin bardhekuq. Sigurisht që një gjë e tillë nuk u pranua nga pjesa tjetër e ekipit, që edhe pse jo hapur kanë filluar të ndjehen të diferencuar. Në mbledhjen urgjente që zhvilloi Takaj fillimisht në Korçë e më pas në Durrës u sqarua një pjesë e mirë e kësaj situate, por garancia financiare që premtoi presidenti për të tijtë, duket se nuk i ka bindur lojtarët që të jenë të qetë plotësisht.
CILËSIA
Të gjitha këto së bashku, duke u shtuar edhe pjesën e cilësisë së ekipit bëjnë atë që Skënderbeu të mos ketë vijimësi në këtë sezon dhe të kalojë në këtë periudhë të errët. I pari që e vuri në dukje një gjë të tillë ka qenë vetë trajneri Orges Shehi, i cili ka kërkuar që në kohën kur merkato ishte e hapur që të afronte lojtarë me potencial në ekip, por një gjë e tillë nuk u bë e mundur. Mungesa e cilësisë dhe alternativave në sulm dhe mesfushë duket se sjellin mosreagim të ekipit që asnjëherë më parë nuk kishte të tilla rezultate.