Gjimshiti, presidenti i Beshiktashit i “shkel syrin”
Trajneri: Do afrojmë një lojtar në prapavijë
Nga Turqia konfirmohet çdo ditë e më shumë që Berat Gjimshiti mund të ndryshojë jo vetëm skuadër, por edhe kampionat. Para disa ditësh, emri i qendërmbrojtësit të Kombëtares është lidhur me një transferim të mundshëm drejt gjigantit turk Beshiktash dhe së fundmi, mediat ndërkombëtare kanë nisur ta bëjnë edhe më të besueshëm një kalim të tillë. Dje ka qenë vetë presidenti i klubit që ka pranuar publikisht se skuadra është në negociata për një qendërmbrojtës.
Presidenti - Fikret Orman, në një analizë që ka bërë për situatën e skuadrës së Beshiktashit, ka shpjeguar edhe vështirësitë ekonomike që vijnë për shkak të problemeve që ka sjellë në Turqi ndryshimi i monedhës, si dhe diferenca mes valutës së huaj dhe lirës turke. Megjithatë, sa i përket merkatos, ai ka konfirmuar se Beshiktash është në punë e sipër për të plotësuar vendin e lënë bosh nga largimi i Pepes. "Do të bëjmë më shumë largime sesa afrime. Në këtë moment delikat na duhet të tregohemi shumë të kujdesshëm me shpenzimet dhe veprimet financiare. Kjo, për shkak edhe të situatës së krijuar mes të ardhurave dhe depozitave financiare që kemi në lira turke dhe shpenzimeve që nevojiten në monedhë të huaj. Mer- kato? Po, po punojmë që të sjellim një qendërmbrojtës. Ndërkohë që mediat ndërkombëtare konfirmojnë emrin e Gjimshitit si personi me të cilin po negociohet, edhe trajneri Senjol Gynesh ka pranuar nevojën për një qendërmbrojtës dhe konfirmimin që i ka dhënë klubi se do të jetë shumë shpejt në ekip.