Kapriço pa fund, Kukësi gati gati të të shesë shesë Rexhinaldon Rexhinaldon
Ardhja e Vasil Shkurtajt ka nxjerrë në plan të dytë golashënuesin
Kukësi është duke zhvilluar mini fazën përgatitore në Antalia të Turqisë. Nënkampionët e Shqipërisë kanë udhëtuar më datë 4 janar, e deri tani kanë zhvilluar dy miqësore në tokën turke, ndaj Bashaksehir dhe Rostov. Sakaq, drejtuesit kanë rënë dakord me homologët e tyre të Shakhtar Karagandit për të zhvilluar miqësoren e tretë. Në këtë ndeshje pritet që drejtuesit të hedhin në fushë që nga minuta e parë e ndeshjes sulmuesin Arturo Rexhinaldo. 29-vjeçari mozambikas e nisi si titullar ndeshjen e parë ndaj Bashaksehir, por takimin pasardhës i la vendin Vasil Shkurtajt. Në fakt, ardhja e Shkurtajt ngjalli polemika, ku ishte vetë Rexhinaldo, ai i cili nëpërmjet llogarisë së tij në "Instagram" kërcënoi se nuk e pranonte stolin. Ardhja e Shkurtajt dhe sjelljet e vazhdueshme jo aq të mira të Rexhinaldos duket se kanë bindur drejtuesit, por dhe vetë lojtarin, për të ardhmen larg Kukësit.
Gazeta
PLANI I FSHEHTË
mëson nga burime të sigurta në klub se drejtuesit po punojnë në fshehtësi për ta shitur autorin e 7 golave në gjysmën e dytë të kampionatit. Gjatë qëndrimit në Turqi, sulmuesin e kanë ndjekur disa agjentë të klubeve të njohura turke, por dhe "scout të" tjerë të huaj. Madje, ka qenë presidenti Gjici ai që ka dhënë OK-in për shitjen e lojtarit, por gjithmonë nëse vjen oferta e duhur për të, nëse jo, lojtari nuk do lëvizë. Nënkampionët kërkojnë të paktën 200 mijë euro për kartonin e sulmuesit. Deri tani ofertat që kanë ardhur në adresë të lojtarit apo interesimet për sulmuesin janë as sa gjysma
e shifrës që kërkon Kukësi, por ato janë refuzuar kategorikisht. Nëse do të vijë oferta e duhur, drejtuesit janë të gatshëm të negociojnë seriozisht, në të kundërt Rexhinaldo të vijojë të jetë pjesë e Kukësit. Ideja për largim në ndonjë klub të huaj të mirë është përqafuar dhe nga vetë sulmuesi, i cili ka pranuar
që të transferohet në një klub europian, në një kampionat më të fortë se ai shqiptar. Rexhinaldo ka luajtur 18 ndeshje me Kukësin në kampionat dhe ka shënuar 7 gola, ndërsa prej fillimit të këtij sezoni është bërë pjesë dhe e kombëtares së vendit të tij, Mozambikut ku ka arritur të shënojë dhe 2 gola.