Miqësore luksi me Dinamo Zagreb
Pas dy barazimeve në Antalia ndaj skuadrave të Superligës turke, Sivaspor dhe Antaliaspor (vend i nëntë dhe i gjashtë në kampionat), sot në orën 15:00 të kuqtë e Skënder Gegës do të përballen me klubin gjigant kroat, Dinamo Zagreb. Ndeshja ndaj këtyre të fundit u fiksua vetëm pak ditë më parë, sepse në plan Partizani kishte një miqësore me kazakët e Shaktjor Karagandit më 14 janar. Gjithsesi, sot të kuqtë do të kenë shansin për të treguar vlerat ndaj një kundërshtari shumë të fortë, teksa pjesë e tij është edhe ish-mbrojtësi i kuq, Amir Rrahmani. Ky i fundit u afirmua si futbollist me fanellën e kuqe.