Dilema për Dukën, pritet aktivizimi

Mesfushori shqiptar me nënshtetësi amerikane, Dilaver Duka, e nisi ters aventurën e tij me të kuqtë. Në ditët e para të përgatitjeve me fanellën e Partizanit, mesfushori i krahut pësoi një kontraktim muskulor dhe e pati të pamundur të aktivizohej në dy miqësoret ndaj Sivasporit dhe Antaliasporit. Gjatë ditëve të fundit, Duka ka kryer stërvitje të diferencuar nga grupi, por gjasat janë që sot ndaj Dinamos së Zagrebit, trajneri Gega t’i rezervojë disa minuta lojtarit që ka luajtur me disa skuadra në Amerikë. Gjithashtu, hapësirë pritet të ketë sot edhe sulmuesi Rubin Hebaj, i cili e ka kaluar dëmtimin.