Haris Hanxhiç, një problem... “mediatik”
“Halli” i madh i të kuqve është një bomber. Merkatoja e janarit nuk të ofron shumë mundësi për afrime cilësore, por problemi tjetër është se një pjesë e mirë e atyre që bindin stafin teknik, kanë vështirësi të shkëputen nga klubet aktuale. Rasti tipik ishte ai i Kuame Karikarit, transferim që u sfumua, sepse lajmi doli në media para se lojtari të merrte letrat nga klubi azerbajxhanas dhe më pas Neftçi Baku nisi të bënte kërkesa nga më të ndryshmet për ta lënë të lirë. E njëjta gjë duket se po ndodh edhe tani me qendërsulmuesin boshnjak, Haris Hanxhiç, që deri para pak ditësh ishte thuajse i ikur nga Sarajevo, por sapo klubi boshnjak mori vesh për interesimin e Partizanit nuk po i jep letrat.