Vora zgjedh Rezart Mahon për stolin
Rezart Maho pritet që të prezantohet sot si trajneri i ri i skuadrës së Vorës. Prezantimi do të bëhet nga drejtori teknik i skuadrës e njëkohësisht dhe lojtar i saj, Gazment Fuçia, si dhe drejtues të tjerë të skuadrës. Maho do të rikthehet si trajner, duke qenë më parë teknik te grupmoshat dhe më pas si lojtar dhe trajner te Mamurrasi gjatë sezonit 2016-2017. Ky do të jetë sezoni i dytë për të që drejton një skuadër të Kategorisë së Parë. Skuadra vorake e mbylli pjesën e parë të kampionatit në vendin e fundit. Për rezultatet e dobëta të saj, drejtuesit në ndeshjen e fundit të vitit të kaluar kundër Shënkollit vendosën të shkarkonin trajnerin Gerald Çani.