Turbina “ngroh” tifozët me merkaton

Tifozët cërrikas të Turbinës janë ndër mbështetësit më të zjarrtë në Shqipëri. Siç dihet, ata mbështesin në çdo ndeshje ekipin e zemrës duke e mbushur stadiumin “Nexhip Trungu”. Jo vetëm kaq, por ultrasit e verdhë e ndjekin edhe në takimet në transfertë Turbinën. Kjo e fundit është përforcuar në këtë merkato dimri, duke bërë katër blerje tepër cilësore. Bëhet fjalë për portierin Klevis Hasanbelli, mbrojtësin Florian Peqini, mesfushorin Alaidin Sallaku dhe sulmuesin Odeon Bërdufi. Tifozët cërrikas i mirëpresin këta futbollistë me peshë, që rikthehen përsëri te Turbina. Ardhja e tyre ka ngrohur shumë sportdashësit që falënderojnë shumë drejtuesit për këtë merkato cilësore.