Hajduk-Memolla, drejt “divorcit”

Hajduk Split do të kërkojë të prishë kontratën me Hysen Memollën. Mbrojtësi i majtë, i testuar disa herë nga Panuçi me Kombëtaren, pritet që të ulet për të diskutuar me drejtuesit detajet e kontratës, teksa stafi teknik nuk e ka më në plane dhe do t’i kërkojë shqiptarit dhe dy lojtarëve të tjerë që të përfundojnë bashkëpunimin. Memolla, Filip dhe Said janë futbollistët, të cilëve do t’u kërkohet prishja e kontratës në ditët në vijim. Për mbrojtësin shqiptar, diçka e tillë u diskutua edhe në merkaton e verës, por duke pasur kontratë, Memolla kërkoi të paktën gjysmën e pagesës për t’u larguar, gjë e cila nuk u pranua nga drejtuesit e Hajdukut.