Drejt largimit nga Anderlehti, Abazaj luan tek ekipi i dytë
Kristal Abazaj është drejt largimit nga Anderlehti dhe, me shumë gjasa, skuadra e tij e re do të jetë Lokereni, që ka shfaqur interes për shërbimet e tij. Megjithatë, futbollisti i Kombëtares ka zbritur në fushë për ekipin e dytë të Anderlehtit. Abazaj e ka nisur takimin si titullar ndaj Tubizes, ndeshje që përfundoi 3-3. Shumë shpejt pritet të mësohet edhe e ardhmja e sulmuesit. Gjasat janë që ai të huazohet dhe jo të shitet përfundimisht. Duke qenë se është jashtë planeve të skuadrës për momentin, po preferohet forma e huazimit, në mënyrë që shqiptari të rigjejë formën e tij më të mirë në një skuadër që i garanton më shumë minuta dhe do të ketë fare pak presion.