Dalbert: Për Spaletin, përherë i gatshëm
Me buzëqeshje në fytyrë për golin e tij të parë (dhe çfarë goli!) me fanellën e Interit, Dalbert Henrike, i intervistuar nga "InterTV" pas përfundimit të ndeshjes me Beneventon, dha këtë deklaratë: "E dimë që të gjitha skuadrat italiane kanë cilësi, ndaj u treguam të zotë, duke shënuar menjëherë dy gola. Sfidën e përballuam si duhet, si në nivel psikologjik, po ashtu edhe fizik. Punuam mirë edhe gjatë pauzës", vijoi braziliani, duke i dërguar më pas një edhe "mesazh" trajnerit Luçiano Spaletit: "Është i vetëdijshëm që gëzon gatishmërinë e të gjithëve në çdo moment".
GOLI - Dalbert, i rikthyer nga dëmtimi në pulpë (gjatë një seance stërvitore) që e ka mbajtur jashtë fushave nga nëntori i 2018-ës, në fakt shpërbleu besimin e teknikut me një paraqitje mbi mesataren, duke realizuar edhe një gol "alla Roberto Karlos": "Falënderoj shokët e skuadrës dhe familjen time. Synimi ynë sot (dje) ishte të fitonim për të kaluar turnin. Tani të stërvitemi gjatë javës për Sasuolon".