Bajerni e nis 2019 me trofe, debuton Dejvis

Bajerni i Mynihut u shpall fituesi u kupës në turneun "Telekom" për herë të pestë në historinë e klubit (2013, 2014, 2017, 2019). Në finalen e luajtur ndaj skuadrës së Gladbahut, kampionët e Gjermanisë barazuan pa gola në 45 minuta lojë dhe më pas u shpallën fitues pas gjuajtjes së penalltive. Ky ishte një test i rëndësishëm përpara fillimit të fazës së dytë të Bundesligës, ku Bajerni do të ndeshet në transfertë ndaj Hofenhaimit.

Në ndeshjen e parë, Bajerni luajti ndaj Dyseldorfit ku fitoi pas gjuajtjes së penalltive, ndeshja përfundoi në barazim pa gola. Ndërkohë, sfida tjetër ishte ajo midis Gladbahut dhe Hertës, e fituar nga skuadra e Borusias. Finalja rezervoi takimin BajernGladbah. Trajneri Niko Kovaç aktivizoi disa

lojtarë të rinj në këtë turne duke përfshirë edhe blerjen e re Alfons Dejvis, i cili tregoi cilësi shumë të mira në ndeshjen e parë me fanellën e kampioneve të Gjermanisë. Ndeshja për vendin e tretë ishte ajo midis Hertës dhe Dyseldorfit, e fituar nga

vendësit me rezultatin 3-1. Kujtojmë seky turne u zhvillua pikërisht në stadiumin e Dyseldrofit, skuadër që erdhi nga Bundesliga 2 në fillim të sezonit. Në skuadrën bavareze duket se është rikthyer sërish humori, lojtarët dhe trajneri

Kovaç janë parë shumë të qeshur gjatë këtij miniturneu që zgjati vetëm një ditë. Lojtarët u rikthyen që dje në Mynih dhe do të nisin menjëherë përgatitjet për ndeshjen ditës së premte. Bajerni do të kërkojë të ruajë vazhdimësinë dhe nuk do të

humbasë terren ndaj Borusias, e cila do ta nisë fazën e dytë në një transfertë të vështirë ndaj Lajpcigut. Diferenca midis dy skuadrave është vetëm gjashtë pikë dhe një hap fals do t'u kushtonte shumë atyre në ecurinë e kampionatit.