Alaba: Ishte një test i mirë para kampionatit
Bajerni arriti të fitonte "Telekom Cup", duke mundur Gladbahun në finale me penallti. Skuadra kampione e Gjermanisë tregoi një formë të mirë, ndonëse nuk arriti të shënonte asnjë gol. Mbrojtësi i skuadrës bavareze, David Alaba, tha pas ndeshjes se ishte i kënaqur me paraqitjen e shokëve të tij. "Ishte një eksperiencë e bukur, i kishim vlerësuar takimet dhe donim të tregonim që ishim përgatitur mirë në fazën përgatitore. Jam i kënaqur me lojën që zhvilluam. Pavarësisht sr nuk shënuam, skuadra pati raste. Ky test ishte një sinjal pozitiv përpara ndeshjes së parë ndaj Hofenhaimit", u shpreh Alaba.