Për Rakitiç do vendosë gruaja, presion Rabiosë
Ivan Rakitiç nuk është lojtari më i aktivizuar nga Barcelona këtë sezon, por ai mbetet një pjesë e rëndësishme e planeve të Valverdes për të ardhmen. Ishte pikërisht trajneri ai që e bindi mesfushorin kroat që të refuzonte disa oferta joshëse verën e shkuar, siç ishte edhe ajo e PSG. Më 10 mars, nënkampioni i botës do të mbushë 31 vjeç, por admiruesit e tij vazhdojnë të jenë të interesuar. Por ai është në pritje të një sinjali nga Barcelona për të rinovuar. Nëse katalansit do t'ia ofrojnë kontratën e re, ashtu siç ia ka premtuar presidenti Bartomeu, atëherë Rakitiç nuk do ta braktiste klubin që u transferua në 2014. Në të kundërt, këtë verë do të studiojë alternativat e tij. Por cilido qoftë vendimi i tij, ai do të ndikohet nga gruaja Rakuel Mauri. Çifti ka dy vajza dhe ai e ka shpjeguar gjithnjë se do të vendosë në bazë të lumturisë së familjes së tij. Gruaja e tij nga Sevija është shumë joshur nga ideja e një transferimi në Milano, Mançester apo Londër. Interi është klubi favorit ku ai mund të firmosë nëse largohet.
Presion Rabiosë - Nuk është më një sekret tashmë që Barcelona ka menduar mesfushorin e PSG-së për ta zëvendësuar këtë sezon. Por në drejtim të rebelit francez është vendosur të mos bëhen hapa të tjerë përpara. Përkundrazi, për lojtarin që i skadon kontrata në verë, është tërhequr oferta e katalanasve dhe Barcelona ka vendosur që ta rihapë edhe një herë pistën e transferimit të tij vetëm në rast se Rabio do të trokasë vetë në derën e "Camp Nou"-t dhe do të ulë pretendimet financiare.