Plaku Plaku i i tronditur: tronditur: Do Do vuajnë 25 lojtarë, ju tregoj çfarë më tha Hamiti
Krisje totale, FSHF dhe policia akuzojnë njëra-tjetrën
Rrefim ekskluziv i kapitenit to Kanues. Qarri nuk mendoi per demet qe shkaktoi me ato veprime. Gjyqtari me tha se po to kishte gabuar to penalltia, atehere do !lute arbitrimin
Policia e Shtetit re agon ashpër kundër FSHF-së. Me anë të një njoftimi lëshuar për mediat, ata u janë përgjigjur akuzave të ngritura për neglizhencë dhe mosndëshkimin e shkelësve. Policia thekson se janë proceduar penalisht 37 tifozë apo drejtues klubesh për incidentet e shkaktuara gjatë zhvillimit të ndeshjeve të futbollit, ndërsa saktësojnë se nga 61 terrenet sportive, vetëm 2 stadiume i plotësojë kriteret e vendosura nga UEFA. "Referuar ngjarjeve të fundit, Policia e Shtetit ndihet e keqardhur për reagimin e FSHF-së dhe aq më tepër për gjuhën e akuzave duke u përpjekur të shkarkojë përgjegjësitë te Policia e Shtetit dhe duke mos marrë përsipër asnjë përgjegjësi si aktore kryesore e organizimit të aktiviteteve sportive. Në këtë kontekst, policia është vetëm një nga aktorët dhe jo institucioni përgjegjës për organizimin, menaxhimin dhe mbarëvajtjen e eventeve sportive", shkruante fillimisht policia. Më tej, ata saktësojnë se gjatë kësaj kohe i kanë dorëzuar disa shkresa zyrtare presidentit të FSHF-së dhe institucionit që ai drejton, duke i kërkuar marrje përgjegjësie për sigurinë dhe mbarëvajtjen e ndeshjeve, por kurrë nuk kanë marrë një përgjigje, qoftë edhe verbale.
MANGËSITË - Policia e Shtetit nuk e lë më kaq, por radhit mangësitë në terrenet sportive, të cilat kanë penguar forcat e rendit që të parandalojnë shpeshherë edhe shkaktarët e incidenteve. "Nga 61 terrene sportive, vetëm 'Elbasan Arena' dhe 'Loro Boriçi' përmbushin kushtet e sigurisë, ndërsa në 59 impiante të tjera ka problematika dhe mangësi të theksuara, si: Dëmtime të rrethimit të jashtëm, brendshëm dhe të ndarjeve midis tribunave; Dëmtime të rrethimit kufizues të tribunës kryesore; Ekzistenca e shkallëve, apo ndenjësve të stadiumeve të dëmtuara; Ekzistenca e materialeve apo inerteve përreth disa stadiumeve dhe fushave sportive; Prania e banesave private ngjitur dhe në afërsi të rrethimit të jashtëm të stadiumeve/fushave dhe terreneve të futbollit; Mungesa e dhomave të kontrollit në stadiume për qëndrimin e drejtuesve të shërbimeve policore dhe grupit të koordinimit; Pamjaftueshmëria e portave hyrëse për në stadiume dhe me dyer të amortizuara që nuk kryejnë funksione; Mungesë e hyrje-daljeve të veçanta për tifozerinë e ekipeve mike, si dhe e ambienteve të ndihmës së shpejtë; Mungesë e sistemit të monitorimit me kamera; Mungojnë kufizimet për futjen në mënyrë të kontrolluar të tifozëve, si dhe vendet e parkimit për mjetet e tifozëve dhe të ekipeve mike; Mungojnë vendet e përcaktuara për personalitetet në tribunat qendrore të disa stadiumeve, për gazetarët dhe për të ftuarit; Mungesë e tunelit (fizarmonikës) për lëvizjen e sportistëve nga dhomat e zhveshjes për në fushë dhe anasjelltas; Mungesë e kushteve të domosdoshme higjienike për tifozët, etj.
Policia e Shtetit konstaton gjithashtu me keqardhje se pjesa më e madhe e organizatorëve të ndeshjeve dhe terrenet sportive nuk përmbushin detyrimet minimale për organizimin dhe sigurinë e një ndeshjeje, si:
1. Nuk lidhin kontratë me SHPSF, në përmbushje të përgjegjësive institucionale, subjekte që duhet të kryejnë kontrollin e tifozëve në portat hyrëse: Sigurimin e vendkalimeve publike; Drejtimin e spektatorëve tek ulëset dhe mbajtjen e tyre nën kontroll; Sigurimin dhe mbrojtjen e lojtarëve nga futja e tifozëve.
2. Nuk zbatohet detyrimi për njoftimin e strukturave të policisë nga organizatorët 7 ditë para zhvillimit të ndeshjes.
3. Nuk zbatohen kërkesat e ligjit "Për masat shtesë të sigurisë publike", pasi në mjediset sportive s'janë instaluar: Kamera CCTV, me rezolucion të lartë; Nuk janë hartuar skemat e ruajtjes dhe sigurimit të objektit, që miratohen nga shefi i komisariatit. Mospërmbushja e këtyre detyrimeve ka sjellë mosparandalimin dhe monitorimin e ngjarjeve apo incidenteve të ndodhura gjatë zhvillimit të aktiviteteve, duke krijuar vështirësi në dokumentimin ligjor dhe vënien para përgjegjësisë së autorëve.
4. Nuk janë përmbushur si duhet detyrimet e përcaktuara për sa i përket "Ndalimit të provokimeve dhe sjelljeve të palejuara", pasi janë konstatuar problematika të shumta në drejtim të provokimeve dhe sjelljeve të palejuara nga ana e tifozërive, më e theksuar kjo për tifozëritë e ekipeve të kryeqytetit.
5. Edhe më i rëndë është fakti se në disa raste shkaktarë të incidenteve që degjeneruan në dhunë janë vetë organizatorët e ndeshjeve, siç ishte rasti i ndeshjes KamzaLaçi, ku u arrestuan edhe 4 pjesëtarë të stafit organizator. Në përgjigje të akuzave të FSHF-së për neglizhenca dhe mosndëshkimin e shkelësve, policia informon se janë marrë masa administrative dhe penale ndaj shkeljeve të konstatuara në ndeshjet e sezonit të fundit të futbollit. Janë proceduar 37 tifozë, drejtues klubesh, në lidhje me incidentet, me akuzat "goditje për shkak të detyrës", "dëmtim prone", "kundërshtim punonjësi policie", "prishje rendi dhe qetësie publike", etj; Proceduar administrativisht 24 punonjës shërbimi dhe drejtues subjektesh SHPSF, 39 tifozë, me gjoba nga 10.000-50.000 lekë. Policia e Shtetit ka qenë dhe do të jetë gjithnjë e gatshme për të përmbushur detyrimet lidhur me mbarëvajtjen e aktiviteteve të futbollit, për planifikimin dhe marrjen e masave të sigurisë së këtyre aktiviteteve në të gjithë vendin. Por, kërkon nga institucionet që kanë detyrime të drejtpërdrejta për organizimin e eventeve sportive, të përmbushin këto përgjegjësi ligjore. Në të kundërt, do të merren masa të ashpra për të penalizuar jo vetëm shkaktarët e akteve të dhunës, por edhe përgjegjësit për mosmarrjen e masave që parandalojnë përshkallëzimet e ngjarjeve me pasoja", thuhej ndër të tjera në këtë deklaratë.