Tirana, 165 milionë lekë nga biletat

Mesatarisht 3000 tifozë për çdo takim të luajtur në kryeqytet

Tifozët e Tiranës janë kthyer në stadium dhe i kanë mbushur arkat klubit bardheblu. Mesatarisht janë 3000 spektatorë çdo ndeshje, ndonëse pikun e kanë sfidat me Partizanin, që kanë bërë namin në stadium. Duke mos llogaritur dy takimet pa tifozë, që e kanë dëmtuar jo pak ekipin bardheblu, shuma bruto e grumbulluar kalon të

165 milionë lekët në 11 takime, duke vënë...

Tifozët e Tiranës janë kthyer në stadium dhe i kanë mbushur arkat klubit bardheblu. Mesatarisht janë 3000 spektatorë çdo ndeshje, ndonëse pikun e kanë sfidat me Partizanin, që kanë bërë namin në stadium. Duke mos llogaritur dy takimet pa tifozë, që e kanë dëmtuar jo pak ekipin bardheblu, shuma bruto e grumbulluar kalon të 165 milionë lekët në 11 takime, duke vënë një rekord për këtë sezon si ndoshta skuadra me më shumë ndjekës këto 24 javë.

Financat - Edhe pse është një shifër bruto dhe që duhet të certifikohet, Tirana ka grumbulluar rreth 165 milionë lekë vetëm nga biletat e shitura në 11 takime. Fatkeqësisht, dy takime kanë qenë pa tifozë, por këta të fundit nuk e kanë lënë në baltë ekipin. Takimet që kanë bërë "golin më të madh" janë dy sfidat derbi, ku janë grumbulluar afërsisht 100 milionë lekë nga biletat, madje edhe me një stadium të tejmbushur. Mesatarja e llogaritjes është nisur së pari nga tifozët që kanë qenë në stadium për çdo ndeshje dhe çmimet e biletave të deklaruara nga klubi. Sigurisht, jo domosdoshmërisht kjo shumë ka shkuar në arkat e klubit, pasi ka pasur firo nga abonetë, hyrjet pa biletë në stadium apo edhe vendet e dhuruara nga klubi. Gjithsesi, me një mesatare prej 300 lekësh për biletë për gjithë sektorët(në derbi kushton 400), veç tribunës A dhe B që në ndeshje normale dhe derbi kushtojë 1000 dhe 2000 lekë, Tirana ka grumbulluar saktësisht 16590000 lekë, por bruto. E veçanta e këtij sezoni është një tjetër fakt. Nga stadiume boshe sezonin e shkuar, këtë sezon Tirana ka mesatarisht 3000 tifozë për ndeshje, edhe pse këtë llogaritje e ngrenë dy derbet që kanë qenë në kapacitet të plotë. Shkurt, një sukses financiar i Tiranës te biletat që do të kishte qenë edhe më i madh nëse tifozët do të ishin kthyer në stadium të shumtë në numër prej fillimit të kampionatit. Por, edhe tani nuk është keq, sepse skuadra nuk duhet të "mbetet në baltë".