3 ekipe në 3 muaj, Stojku për rekord: Ja pse zgjodha Apoloninë

Gentian që për elbasanasin Stojku është ky zyrtarisht vit ka nisur trajner me "rekorde" i Apolonisë. personale, Dhe duhet pasi thënë në janar drejtoi Erzeni, në shkurt shkoi te Kamza dhe marsi e gjen në Fier. Në intervistën e tij të parë për "Panorama Sport", 44-vjeçari zbulon planet për pjesën e mbetur të këtij sezoni dhe nuk kishte si të mos fliste për Kamzën dhe dënimin e Disiplinës. Stojku, pse zgjodhët Apoloninë? Nuk është e rastësishme dhe as aksidentale. Me drejtuesit fierakë kam pasur kontakte dhe oferta të mëparshme, por që nuk janë finalizuar për shkak të angazhimeve të mia me ekipe të tjera. Apolonia për mua është një skuadër me emër, me peshë dhe fanellë të rëndë dhe unë e kam kënaqësi të punoj për ta ngjitur atje ku duhet. A keni objektiva për këtë sezon? Objektivat e këtij sezoni janë performanca cilësore dhe rezultative, pa vënë në diskutim mbijetesën, por duke i mëshuar sezonit pasardhës. Që do të thotë se keni një projekt edhe për të ardhmen? Kemi një projekt serioz, të cilin e kemi diskutuar në parim dhe mua më ka pëlqyer filozofia e klubit. Nuk do të luajmë thjesht sot për sot, por me objektiva të qarta për kampionatin e ardhshëm. Skuadra sot? Pa dyshim që ka problemet e veta dhe duhet shumë punë, përndryshe do ishte në pesëshen e parë, por unë jam optimist te puna e përbashkët nga të gjithë komponentët. A keni marrë garanci nga klubi për të ndërtuar skuadrën që ju doni? Absolutisht, po. Madje, më kanë siguruar për këtë gjë, pasi unë nuk mund të vija pa një projekt bindës. Një vlerësim për Kamzën, ekipin që ju promovoi në futbollin elitar në Shqipëri. I merituar ky dënim? Po e nis nga fundi: ndihem shumë keq dhe nuk gjej dot fjalë ta shpreh. Me ata lojtarë, me atë skuadër po bënim një punë me aq mund, sakrificë dhe pasion. E kemi dëshmuar me Kukësin në ndeshjen në Elbasan dhe me Laçin ndeshjen e fundit. Nuk gjej dot fjalë dhe, përtej funksionit si trajner i asaj skuadre, më vjen keq që ndodhi gjithë kjo situatë, pa preferuar të futem në analiza. Ju më pyesni nëse është i drejtë dënimi i Kamzës në atë masë? Nuk më takon mua të jap mendim, vendimet i merr tjetërkush. Bujar Rama