Lenjani Lenjani shfryn shfryn ndaj ndaj Panuçit Panuçit
Habitet lojtari kuqezi: Çuditërisht nuk jam ftuar nga Kombëtarja
1 6 ndeshje nga të cilat 14 si titullar dhe 3 gola në kampionat. Megjithatë, këto statistika nuk i kanë mjaftuar Ermir Lenjanit që të bindë trajnerin Panuçi për t'i bërë vend në listën e radhës për ndeshjet kundër Turqisë dhe Andorrës. Ka qenë vetë mesfushori i Sionit që ka bërë me dije këtë lajm, duke shprehur habinë dhe mërzinë e tij me anë të ikonave në rrjetet sociale.
PA FTESË
Shqipëria po bëhet gati për grumbullimin e parë në nisje të kualifikueseve për "Euro 2020". Në këtë kuadër, në shumë prej skuadrave janë dërguar edhe ftesat me logon e FSHF-së për futbollistët që trajneri Kristian Panuçi ka përzgjedhur për këto dy sfida. Dje, me anë të postimeve në rrjetet sociale, Ermir Lenjani ka njoftuar se nuk është i grumbulluar. Futbollisti polivalent i Sionit ka shprehur habinë dhe mërzinë e tij me anë të ikonave në rrjetet sociale. "Çuditërisht nuk jam ftuar për ndeshjet e muajit mars nga Kombëtarja...", ka shkruar Lenjani që më pas e ka shoqëruar këtë postim me ikonat e flamurit shqiptar si dhe duke shprehur habi dhe mërzi për këtë fakt.
FORMA
Futbollisti është shndërruar në një nga lojtarët e rëndësishëm të Sionit, teksa këtë sezon edhe pse në rolin e tij natyral është mbrojtës i majtë, ai ka bërë edhe mesfushorin e krahut, por edhe qendërsulmuesin. 3 gola dhe katër asiste në kampionat si dhe 3 asiste në Kupën e Zvicrës e kanë bërë shqiptarin të jetë një pikë e rëndësishme në manovrën sulmuese të Sionit, por për Panuçin me sa duket nuk kanë qenë të mjaftueshme.