Një tetor për notën 10, Dibala magjeps “Zonjën”
Sakrifikohet Higuain, projektohet titullar edhe me Xhenoan
Etashmja e Paulo Dibalës është e një diamanti të vërtetë. Por, sepse "La Joya" po kalon momentin e tij më të mirë me fanellën e Juventusit që prej mbërritjes në Torino të Kristiano Ronaldos, atij që është në gjendje që të eklipsojë këdo dhe në çdo skuadër. E thonë numrat e një sezoni që ka marrë drejtimin e duhur. Argjentinasi në Leçe shënoi golin e katërt mes kampionatit dhe Ligës së Kampioneve. Dy në Europë dhe dy në Serinë A, që i bashkëngjiten edhe dy asiste (një për çdo kompeticion). Shifra aspak banale po të krahasojmë minutazhin e tij në katërkëndëshin e blertë: Paulo është aktivizuar në total për 523 minuta dhe vetëm Kristiano Ronaldo ka shënuar më shumë nga bardhezinjtë (5 gola në total), por portugezi ka regjistruar gati dyfishin e minutave në fushë (900). Numri 10 i Mauricio Sarrit është futbollisti i 11-të më i aktivizuar këtë sezon nga tekniku i ri. Edhe pse bashkatdhetari i tij Gonzalo Higuain ka qëndruar më shumë në fushë (760 minuta), ka shënuar një gol më pak se Dibala. Në praktikë, Paulo shënon ose merr pjesë në një aksion goli çdo 87 minuta, pra skuadrës i duhet më pak se një ndeshje për ta gjetur golin. Një tetor prej kampioni të vërtetë.
HIGUAIN, NË STOL
Kristiano Ronaldo dhe
Paulo Dibala pritet të udhëheqin sulmuesin e skuadrës së Mauricio Sarrit në ndeshjen e kampionatit mbrëmjen e nesërme kundër Xhenoas. Sipas informacioneve të televizionit të "Sky Sport", do t'i takojë Gonzalo Higuainit për t'u sakrifikuar në stolin e "Zonjës së Vjetër" këtë javë. Ndërkohë që e sigurt është mungesa e Miralem Pjaniçit, i cili pritet të zëvendësohet nga Bentankur në kabinën e regjisë. Ndërkohë që në mbrojtje, De Shiljo mund të rishohë fushën që nga minuta e parë në korsinë e djathtë.