Tripletë fitoresh për Lejkërs
Dallas fitore me vuajtje ndaj Denverit, Majemi dominon sfidën ndaj Atlantës
Disfata në de butimin në NBA tashmë është një kujtim që i përket së shkuarës për Lejkërs, pasi ekipi nga Los Anxelosi po vijon serinë e fitoreve. Ishte e treta radhazi ajo e arritur dje ndaj Memfis, ku kalifornianët triumfuan me rezultatin e thellë 120-91. Ndonëse vinte pas një problemi në shpatull e madje prezenca e tij në këtë sfidë ishte në pikëpyetje, Antoni Davis ishte i papërmbajtshëm në parket. Me 40 pikë dhe 20 rikuperime në tabelë ai udhëhoqi Lejkërs drejt suksesit. Ishlojtari i Pelikans, tashmë është një pikë fikse e ekipit dhe po bind në të gjitha takimet.
Në një mbrëmje të mirë ishte edhe Lebron Xhejms, i cili regjistroi 23 pikë në këtë takim, ndërsa ata që spikatën në radhët e Memfis, ishin Jonas me 16 pikë dhe Valanciunas me 14 pikë e 11 ribaund.
DENVER - DALLAS
Dallas mori një fitore të bukur jashtë fushe duke triumfuar ndaj Denver me rezultatin 109-106, në një takim me shumë rivalitet. Mavericks bënë një lojë të shkëlqyer kolektive, ku plot 9 lojtarë realizuan mbi 10 pikë, ku spikati Maksi Kleber me 14 pikë. Ndërsa për vendësit më i miri ishte Paul Millsap me 23 pikë, por që mbeten vetëm për vlerë statistikore.
MAJEMI - ATLANTA
Ndërsa duke kaluar në Konferencën e Lindjes, një fitore pa shumë probleme regjistroi Majemi, që mposhti Atlantan në shifrat 112-97. Herro me 29 pikë ishte
shënuesi më i mirë i skuadrës nga Florida. Për Majemin shkëlqyen gjithashtu edhe Butler dhe Dragiç, të cilët realizuan nga 21 pikë secili në këtë përballje. Miqtë ishin gjatë gjithë kohës në një disavantazh dyshifror, ndërkohë që tashmë duhet të bëjnë llogaritë edhe me dëmtimin e Trae Jang, pasi ky i fundit shfaqi një problem në kavilje dhe rrezikon që të qëndrojë jashtë fushave në katër ndeshjet e ardhshme.