“Bomba” nga Italia, Xhixho është i Juves
“Zonja” përdor Sheznin, por jo në këmbim të Donarumës
Rinovimi i Donar umës është një nga prioritetet e Milanit e po ashtu ai i Vojcek Sheznit për Juventusin. Në fakt, lidhja mes dyshes nuk është vetëm për shkak të rolit. Bardhezinjtë thuhet se kanë arritur akordin me gardianin e tyre dhe kjo është një strategji, pasi polaku me shumë gjasa do të shitet në fund të sezonit. “Zonja e Vjetër” nuk i lë asgjë në dorë rastësisë dhe drejtuesit Paratiçi dhe Nedved, së bashku me shitjen e Sheznit, planifikojnë edhe një blerje të bujshme në të njëjtin rol dhe bëhet fjalë për Xhanluixhi Donarumën.
OFERTA – I përfolur prej dy vitesh për një të ardhme te Juvja, Xhixho mund të zbarkojë në Torino në fund të sezonit aktual. Duke përfituar nga pozicioni ekonomik i “Djallit”, drejtuesi juventinë planifikojnë të afrojnë titullarin e kombëtares italiane, me mediat italiane që raportojnë se bisedimet mes palëve janë në një fazë të avancuar. Por çfarë ofrojnë bardhezinjtë? Aktualiteti propozon interesin milanist për njërin mes Demiralit dhe Ruganit, madje ka qenë trajneri Pioli që i ka kërkuar klubit të lëvizë në këtë drejtim, madje që në merkaton e janarit. Juventusi do të ofrojë edhe para përveç një lojtari në këmbim, teksa është për t’u përjashtuar lëvizje e Sheznit në drejtim të kundërt me atë të Donarumës.
PRESING – Përpara se bisedimet t’i drejtohen fazës finale, drejtuesit e Juves do të presin përgjigjet e fundit nga Donaruma. Në mars të 2017-ës, portieri ishte nga kuqezinjtë që protestuan më fort për penalltinë e Dibalës në minutën e 97-të, teksa pas ndeshjes nuk munguan deklarata anti-Juve. Tri vite më pas, gjërat duket se kanë ndryshuar, me familjen Donaruma që thuhet se është e gatshme të rivlerësojë zgjedhjet e të birit.
Në sfond të këtij presingu qëndron Mino Raiola. Menaxheri nuk ka ende një raport të qartë me drejtuesit aktualë të Milanit dhe në anët e Torinos, të tilla detaje nuk shpëtojnë lehtë, e aq më pak të mos mendohet mënyra për të përfituar nga situata.