NOTAT INTER

HANDANOVIÇ 7.5 - Penalltia e Souçek ishte qendrore, por ai u hodh para kohe dhe për pak sa nuk e devijoi me këmbë. Shpëtoi mrekullisht një devijim të Shkriniarit dhe më pas sërish me këmbë evitoi një gol thuajse të sigurt të Masopust duke mbajtur Interin në lojë. Ishte një pritje që ndikoi gjithë ndeshjen. GODIN 7 - Një nga ndeshjet më të mira si zikaltër. Fitoi të gjitha duelet individuale dhe udhëhoqi si duhet mbrojtjen. DE VRAJ 6.5 - Gaboi në ndërhyrjen kundër Olainkës dhe shkaktoi penallti. Gjithçka tjetër e bëri në mënyrë perfekte në kohë dhe në mendim. SHKRINIAR 6 - Një pasiguri që në fillim i njollos mbrëmjen, sepse për pak Husbauer shënoi nga ai episod. Fitoi shumë duele me Masopustin, por ka probleme me topin në këmbë dhe bën gabime foshnjarake. KANDREVA 7 - Një asist perfekt për Lukakun dhe një ndeshje fenomenale sa i përket inteligjencës taktike. VESINO 6.5 - Vrapoi shumë dhe tregoi shumë cilësi. Kartoni i verdhë i pjesës së parë nuk ia kushtëzoi ndeshjen dhe e zëvendësoi në mënyrën e duhur Barelën. (Nga min e 80-të Espozito 6.5 - Luan gjithnjë me zgjuarsi edhe kur ritmi është marramendës në fushë. Ky djaloshi vërtet ka lindur në 2002...?). VALERO 6 - Një ndërhyrje e tij shpëtoi Interin nga një rrezik që mund të zhbalanconte ekipin. Ofroi kthjelltësi atëherë kur skuadra nuk kishte ide. (Nga min 76-të Gagljardini 6.5 Hyri në momentin final, por nuk stonoi. I besueshëm). BROZOVIÇ 6.5 - Depërtoi nga qendra dhe pasi kaloi Suoçekun gjuajti shumë lart. Më pas lëshoi një predhë të vërtetë që u përplas në traversë. Luajti fillimisht si mesfushor krahu dhe më pas si regjisor, por ia doli mirë në të dyja rastet). BIRAGI 6 - Hallka më e dobët e zinxhirit. Mjaftohet vetëm duke mbrojtur, por nuk ka ritmin e duhur. Nuk mbështet sa duhet para dhe bën gabime elementare kur kërkon të dalë para. (Nga min 76-të Lazaro 6.5 Hyri me vendosmërinë e duhur dhe dha asistin për golin e Lukakut). LUKAKU 8.5 - Me dy përplasje me shpatull nxjerr jashtë loje Borilin dhe dogji Fridrish për të dhënë asistin e parë të golit të Lautaros. Më pas shënon vetë dhe shërbeu sërish për Lautaron. Ndërkohë, iu anuluan edhe dy gola të tjerë... Ishte mbrëmja kur duhej të zhbllokohej në Champions, por jo vetëm që shënoi, ai dha edhe dy asiste. Gjigant. LAUTARO 8.5 - E njeh portën në mënyrë të magjishme. Guan pa e parë fare atë dhe nuk del asnjëherë huq. Edhe dje ishte vrastar në 20 minutat e para të ndeshjes dhe Konte mund të flejë i qetë sepse është një gjahtar i vërtetë goli. TRAJNERI KONTE 7.5 - Fitoi një ndeshje në një fushë tejet të ndërlikuar dhe rihapi shanset për kualifikim. Dhe sa shumë mungesa që kishte.