Dalipi: Sormani i duhuri, ja pse dështoi Lerda
Partizani/ Flet ish-ndihmësi i italianit: Adolfo mund të sjellë një Ekuban të dytë
Klevis Dalipi është një nga trajnerët që ka bashkëpunuar me të gjithë të huajt në drejtimin e Partizanit, me përjashtim të Franko Lerdës. Ai ka qenë pjesë e stafit edhe në kohën kur të kuqtë u drejtuan nga trajneri Adolfo Sormani, i cili u largua pas pesë javësh kampionat si rezultat i një përplasjeje që kishte të bënte me mosaktivizimin e Mentor Mazrekajt...
Klevis Dalipi është një nga trajnerët që ka bashkëpunuar me të gjithë të huajt në drejtimin e Partizanit, me përjashtim të Franko Lerdës. Ai ka qenë pjesë e stafit edhe në kohën kur të kuqtë u drejtuan nga trajneri Adolfo Sormani, i cili u largua pas pesë javësh kampionat si rezultat i një përplasjeje që kishte të bënte me mosaktivizimin e Mentor Mazrekajt. Asokohe klubi mbajti kahun e lojtarit, por Demi e ka pranuar gabimin e bërë në atë kohë dhe ndaj e ktheu. Dalipi në intervistën e dhënë për "Panorama Sport" e quan të goditur rikthimin e Sormanit, ku jep edhe arsyet pse presidenti Demi ia ka besuar sërish ekipin. Gjithashtu, Dalipi tregon se çfarë nuk shkon me trajnerët e huaj në Shqipëri, si dhe pohon pse dështoi Franko Lerda, për të cilin kishte pohuar se është një nga trajnerët më të mirë në këto vite. Trajnerët e huaj në përgjithësi kanë dështuar, por Partizani sërish vendos të vijojë me një italian. Për Klevis Dalipin, çfarë nuk shkon në këtë marrëdhënie?
Në Shqipëri çështja e trajnerëve të huaj është pak delikate për disa arsye. E para është gjuha. Pastaj vjen mentaliteti. Si ish-futbollist mendoj se ne e kemi të vështirë të përshtatemi me mentalitetin e huaj të punës. Trajnerët e huaj kërkojnë rregull, disiplinë në ekstremitet, më shumë kohë stërvitore. Ne akoma nuk e kemi arritur atë lloj stadi profesionalizmi që të pranojmë gjëra të tilla të cilat janë në nivel kaq të lartë. Nuk është vetëm çështja e Lerdës te Partizani, por e të gjithë trajnerëve të huaj që vijnë në Shqipëri. Që t'ia dalësh duhet të jesh pak elastik, të ruash mbarëvajtjen e grupit, pak tolerant. Ndon
jëherë të luash me të dy krahët, pra të përshtatesh me ambientin.
Si e vlerësoni rikthimin e Sormanit në krye të "demave"?
Ardhja e Sormanit është gjetje e duhur nga presidenti Demi, pasi ai e njeh mirë ambientin. Për më tepër, përfundimi i ndërtimit të kompleksit ku pritet të marrë zhvillim akademia, bën që të rritet më tej vizioni i trajnerit Sormani. Mendoj se kjo është një nga arsyet e rikthimit, që për mendimin tim presidenti ka bërë mirë. Sormani ka të shkuar me akademitë, te Juventusi dhe
Napoli, dhe është i aftë në këtë aspekt sa i përket organizimit. Pra, Sormani nuk do të ketë vetëm skuadrën e parë, që është përgjegjësia e madhe për të gjithë, por që t'i përshtatet edhe akademisë. Ose, më thjesht, Sormani do të jetë një urë lidhëse mes ekipit të parë dhe akademisë së Partizanit. Thatë që Demi ka bërë mirë, por ai u largua me polemika herën e parë?
I qëndroj mendimit që presidenti Demi ka bërë mirë me rikthimin e Sormanit, pasi për largimin e tij dihet shumë mirë pse u largua dhe që nuk ia vlen të përmendet tani. Për aq
kohë sa kam punuar me Sormanin, unë e konsideroj atë si një nga trajnerët më të aftë sa i përket procesit stërvitor, ku bëjnë pjesë modulet që përdoren, rregulloret, kërkesa e llogarisë. Ai pëlqen lojën në grup. Si ish-pjesëtar i stafit të tij, kam përshtypjet më të mira për trajnerin Sormani. Ndaj thashë se presidenti ka bërë zgjedhjen e duhur, pasi Lerda mbase nuk ishte i duhuri për të bashkëpunuar edhe me akademinë. Me ndërtimin e kompleksit dhe rikthimin e Sormanit, bëhet e mundur që të nisë atë mision që ai e la përgjysmë para tri vitesh.
Mendoni se Sormani mund t'ia arrijë që ta shpallë Partizanin kampion?
Zotësia e trajnerit varet nga rezultatet, ndonëse konsiderata për Sormanin është e lartë, pasi është i përgatitur. Unë mendoj se Partizani e ka organikën shumë të mirë. Trajneri i ri nuk e njeh shumë mirë grupin, por periudha e përgatitjes në Turqi është në favor të tij, pasi do t'i njohë më nga afër lojtarët. Gjatë kohës që do të jetë në Turqi, Partizani mund të afrojë edhe një apo dy lojtarë. Trajneri me njohjet e tij mund të afrojë ndonjë element që i shkon përshtat modulit të lojës që ai përdor. Ai mund të afrojë edhe ndonjë lojtar si Ekuban para 3 vitesh, që në fillim askush nuk besoi tek ai. Sormani i provon të gjitha mënyrat e lojës dhe për mua mbetet një nga trajnerët më të përgatitur me të cilët kam punuar te Partizani. Pa dyshim në histori suksesi trajneri merr spaletat e meritave. Për
mua Sormani ishte promotori i arritjes që pati klubi në verën e 2016-ës në Europë.
Ku i shikon nevojat për përforcime te të kuqtë?
Unë mendoj se zëvendësimi i Asanit dhe çështja e pazgjidhur e Malës janë dy gjërat që duhen rregulluar sa më shpejt. Por, gjithçka varet nga strategjia dhe politika e klubit. Merkatoja varet edhe nga trajneri, i cili si fillim do të shikojë nga afër lojtarët që ka dhe do të vlerësojë gjithsecilin, plus merret parasysh edhe situata e pakëndshme e dëmtimeve që mund të ndodhin në fazë. Mbase lojtarë që kanë qenë jashtë planeve të Lerdës mund të jenë të duhurit për Sormanin, ndaj edhe merkatoja varet nga kërkesat dhe idetë që ka trajneri i ri për të vënë në zbatim planin e tij të punës. Koha është e mjaftueshme dhe Sormani e ka marrë ekipin në momentin e duhur. Keni deklaruar se Lerda është trajneri më i mirë që ka pasur Partizani, por nuk ia doli. Pse dështoi?
Unë mendoj se dështimi i Lerdës ishte mospërshtatja. Ai nuk arriti dot që ta mbante grupin në harmoni. Zënkat e shumta me stafin, me lojtarët gjatë gjithë kohës bënë që të mos krijonte një grup të mbledhur siç ishte një sezon më parë me Skënder Gegën. Këtu mendoj se çaloi Lerda, ndërsa në aspektin teknik nuk kam çfarë të them, pasi i mbetem mendimit se ka qenë trajner i përgatitur. Duke mos arritur të formojë grupin, i rrëshqiti situata nga duart. Për këtë arsye Lerda dështoi.