NOTAT E INTERIT
HANDANOVIÇ 6 - Te goli i Milikut mund të bëjë shumë pak. Administrim normal i lojës deri në përfundim, kur bën të pamundurën te tentativa e hidhur e Zielinskit.
SHKRINIAR 6,5 - Kur nevojitet fiziku, nuk njeh kundërshtarë. Tërhiqet me vonesë si Biragi dhe mban në lojë Kajehonin te 1-2, më pas jep maksimumin për të mbajtur rezultatin.
DE VRAJ 7 - Prova e radhës e forcës e holandezit. Së paku dy kundërsulmet e Napolit të ndalura falë pozicionimit të përkryer ndaj çdo kundërshtari.
BASTONI 7 - Besim i merituar nga Konte, meqenëse edhe në "San Paolo" shpalos të gjitha cilësitë. Luan me qetësi dhe rregull, i pastër në fazën e organizimit, edhe nën presion.
KANDREVA 6,5 - Ofron gjithmonë krosimet nga korsia e djathtë, edhe pse dialogu me Vesinon nuk shkon shumë mirë. Diçka më dobët në mbrojtje, ku Insinje e vendos në vështirësi.
VESINO 6 - I dobishëm në fazën taktike dhe në mbulim, vuan megjithatë diferencat teknike me mesfushën e Napolit (Nga 73'
Sensi 6 - Hyn me objektivin për të fshehur topin, arrin pjesërisht sepse i mungon edhe forma, veçanërisht në dyluftime).
BROZOVIÇ 6,5 - Pjesë e parë thuajse perfekte. Tregohet i zoti te vertikalizimi për Lukakun. Gjithmonë në qendër të lojës, edhe kur bie ritmi i gjithë skuadrës.
GALJARDINI 6,5 - Grintë për të shitur në shërbim të skuadrës. Kërkon edhe rrugën e rrjetës dhe drejton disa kundërsulme. Në vështirësi kur Napoli shton ritmin
(Nga 56' Barela 5,5 - Humbet menjëherë topin, merr një karton të verdhë që i kushton skualifikimin dhe rrezikon të dytin).
BIRAGI 6 - Humbet nga shikimi Kajehonin dhe e mban në lojë me Shkriniarin, duke favorizuar golin që mban gjallë Napolin. I mungon kthjelltësia në sulm, jo në mbrojtje.
LAUTARO 7 - Del në plan të dytë falë shkëlqimit të Lukakut. Lëviz gjatë gjithë ndeshjes në shërbim të skuadrës, më pas nga hiçi shënon rrjetën që largon frikën e përmbysjes.
LUKAKU 8 - Duket Adriano "Perandori". Përtej dy golave, shumë dyluftime dhe punë e pisët për shokët. Në hije në pjesën e dytë, kur zikaltrit nisin të shuhen (Nga
88' B.Valero, pa notë). Trajneri Antonio KONTE 8 - Përgatit shumë mirë sfidën, duke ushtruar presion nga minutat e para. Nuk gabon asgjë dhe lojtarët e shpërblejnë me një fitore që Interi e priste prej 22 vitesh.