Rodrigo pranë Barçës, Zidan ngre zërin te Reali
Nis ofensiva e fundit, huazim me detyrim blerjeje për zëvendësuesin e Suarezit
Barcelona ka nisur sulmin e fundit për transferimin e Rodrigo Morenos dhe po bën gjithçka që të sigurojë huazimin e sulmuesit me opsionin e blerjes në fund të sezonit. Me mbylljen e merkatos ditën e premte, katalansasit nuk duan që të humbasin kohë nëse bisedimet dështojnë. Për këtë arsye ata kanë kontaktuar me Valencian për të marrë përgjigjen përfundimtare. Presidenti i Valencias, Anil Murthi dhe menaxheri Zhorge Mendesh, ishin në Barcelonë ditën e hënë për të diskutuar transferimin. Drejtuesit blaugrana po luftojnë me kohën për të gjetur pasardhësin e Luis Suarezit, i cili do t'i mungojë skuadrës për 4 muaj dhe
Rodrigo është zgjedhja e parë për ta zëvendësuar.
Qetësi e rreme - Prezenca e Murthit dhe Mendeshit në Barcelonë këtë javë tregon se asnjë nga palët, veçanërisht sulmuesi nuk duan që diskutimet të zgjaten për shumë kohë. Rodrigo e pa tentativën e tij për t'u larguar nga "Mestalla" në verë të dështonte, pasi dukej i sigurt transferimi i tij tek Atletiko e Madridit. Spanjolli u stërvit të hënën. Ai u rikthye në fushë të shtunën kundër Barcelonës pas tri javëve pushim si pasojë e një dëmtimi në gju. Por dje ai ishte në Barcelonë duke shtuar spekulimet se kishte
ardhur për të kryer vizitat mjekësore me katalanasit. Zyrtarisht klubi i Valencias tha në Barcelonë ai ishte vetëm për të kontrolluar gjurin. Por trajneri Albert Selades e la jashtë ndeshjes së sotme në Kupën e Mbretit kundër Leonesës.
Transferimi i tij në
Çmimi -
"Camp Nou" pritet të jetë një formalitet. Formula e ardhjes së tij te Barça do të jetë huazim deri në fund të sezonit me detyrim blerjeje në qershor. Valencia nuk heq dorë nga kërkesa e saj për 60 milionë euro, ndërsa katalanasit duan që ta zbresin këtë shifër në 50 milionë euro. Për ta bërë këtë,
ata kanë ofruar që të përfshijnë emra futbollistësh në bisedime. Të rinjtë Musa Vague dhe Moçu janë emrat e ofruar. Gjasat që operacioni të dështojë nuk janë të larta, por nëse nuk do të ketë marrëveshje, atëherë Barçës i mbesin vetëm 4 ditë për të mbyllur me sukses planin "B".