Lushnja bie në Orikum, Pogradeci merr kreun
Dy fitore në pak ditë karikojnë atmosferën në Lezhë
Oriku thyen mallkimin dhe fiton ndaj Lushnjës me rezultatin 1-0, me golin e shënuar nga Gjinaj në minutën e 27-të. Këto dy skuadra janë ndeshur për herë të gjashtë mes tyre (kampionat, kupë dhe miqësore) këtë sezon dhe kjo është fitorja e parë e bregdetarëve. Ka qenë një takim mjaft i luftuar nga...
Një gol i Gjorgjeviçit në pjesën e dytë i ka dhënë Besëlidhjes fitoren në takimin me Tërbunin, duke e afruar në 4 pikë me Kastriotin e vendit të parë, që këtë fundjavë ishte pushim. Takimi ka nisur i qetë dhe nën kontrollin e Besëlidhjes, duke e shtyrë Tërbunin në gjysmëfushën e vet. Pas disa rasteve sporadike të vendësve, në të 7-ën janë pukjanët që fitojnë një këndore, që krosohet nga Muslimi dhe Fejzaj rrezikon, por Vukashinoviç zgjidh situatën. Në minutën e 14-të, pas një sulmi të shpejtë, vendësit fitojnë një goditje dënimi që i besohet Gjorgjeviçit, i cili kroson në zonën pukjane, ku mbrojtësi Dibra e devijon me kokë, por jashtë kuadratit të Avramit. Futbollistët e Besëlidhjes vazhdojnë të sulmojnë me shpejtësi, Gjorgjeviç i vetëm i drejtohet portës pengohet në zonën pukjane nga mbrojtja, por për gjyqtarin Çela gjithçka është e rregullt. Lezhjanët protestojnë, megjithatë asgjë nuk ndryshon dhe loja vazhdon. Presingu i Besëlidhjes sa vjen dhe ashpërsohet, ku në të 27-ën, Hoxha pasi merr një top nga mesfusha i drejtohet zonës pukjane dhe sapo del në pozicion gjuan fort, por pret portieri mik. Në fundin e pjesës së parë, ritmi i lojës së Besëlidhjes zbehet disi dhe këtë e shfrytëzojnë pukjanët, të cilët rrezikojnë seriozisht me anë të Zaganit që godet fort me kokë, por Vukashinoviç kontrollon topin. Gjorgjeviç provon me një gjuajtje nga larg, por topi kalon ngjitur me shtyllën. Fraksioni i parë i lojës mbyllet me rrjeta të paprekura.
PJESA E DYTË – Loja është sërish nën kontrollin e Besëlidhjes, që vihet në kërkim të golit. Përgjoni gjuan fort afër zonës, pret në pozicion Avrami. Pas disa minutash lojë kryesisht në mesfushë, në të 57-ën, Gjorgjeviç, pasi merr një top nga e majta fare pranë zonës pukjane, gjuan dhe zhbllokon rezultatin. Pas pësimit të golit, futbollistët pukjanë mundohen të organizohen dhe herë pas here e sulmojnë zonën e Besëlidhjes, por mbrojtja lezhjane nuk lejon depërtimin e tyre brenda saj. Besëlidhja lufton fort për dyfishimin e shifrave, por kjo nuk ndodh, sepse të gjitha rastet nuk finalizohen saktë. Në minutën e fundit Tërbuni
organizon një sulm të rrezikshëm, ku Metani gjuan fort nga larg, por gjen në pozicion portierin Vukashinoviç. Me këtë rast mbyllet ky takim, ku Besëlidhja merr tri pikët dhe i afrohet vendit të parë, ndërsa Tërbuni mbetet në pozita të vështira. Pas ndeshjes, trajnerët Plori dhe Dalipi nuk preferuan të prononcoheshin për mediat.