Juventusi kërkon fitoren e 1600-të, Ronaldo rekordin e David Trezegesë

- Juventusi është skuadra, kundër së cilës Fiorentina jo vetëm ka pësuar më shumë humbje (77), por edhe më shumë gola (263) në Serinë A. Kompletojnë statistikën 33 suksese vjollcë dhe 51 barazime.

- Juventusi shënon të paktën një gol kundër Fiorentinës, sa herë që luan në Torino, prej 33 takimesh radhazi në kampionat. Kjo është seria më e gjatë që është vendosur mes dy skuadrave në historinë e Serisë A.

- Në rast suksesi, Juventusi do të bëhet skuadra e parë që kap kuotën 1600 fitore në Serinë A, përfshirë këtu edhe tri pikët e marra në tavolinë, por duke përjashtuar ndeshjet "play-off".

- Në 15 nga 16 rastet që Juventusi vjen nga një humbje, gjithmonë e ka fituar takimin pasues. "Zonja e Vjetër" nuk humb dy ndeshje radhazi në Serinë A që prej gushtit 2015. - Në 30 ndeshjet sezonale (në të gjitha kompeticionet), nën drejtimin e Mauricio Sarrit, Juventusi e ka mbyllur pa gol vetëm në një rast, pikërisht në takimin e fazës së parë kundër Fiorentinës. - Juventusi ka shënuar gjithmonë (të paktën një gol) në 41 ndeshjet radhazi në "Allianz Stadium", në të gjitha kompeticionet, 90 gola në total për një mesatare prej 2.2 golash për ndeshje. Vetëm në dy raste, bardhezinjtë kanë pasur një seri më të gjatë në shtëpi: në vitin 1934 (68 ndeshje radhazi me gol) dhe në 1951 me 43 takime.

- Xhuzepe Iakini nuk ka humbur asnjë nga 4 ndeshjet e tij në stolin vjollcë. Në 4 ndeshje, ai numëron 2 fitore dhe 2 barazime. Në periudhën e 3 pikëve për fitore, i vetmi trajner i Fiorentinës që ka qëndruar më gjatë i pamposhtur ka qenë Roberto Mançini në vitin 2001, me 5 takime.

- Kristiano Ronaldo e mbylli janarin e vitit 2020 duke shënuar në të pesta ndeshjet e zhvilluara me Juventusin, në të gjitha kompeticionet. Vetëm një herë, portugezi ka mundur të bëjë më mirë në karrierë në rang klubesh: gol në 7 ndeshje, në marsin e vitit 2014. - Kristiano Ronaldo ka shënuar në tetë ndeshje radhazi në kampionat. Lojtari i fundit i Juventusit që ka bërë më mirë se kaq në Serinë A ka qenë David Trezege, me gol në 9 takime radhazi (periudha dhjetor 2005). Për më shumë, CR7 ka mbërritur vetëm në dy raste në karrierë, në kuotën 9 ndeshje radhazi me gol: nëntor 2014 dhe maj 2018, që të dyja me bluzën e Realit të Madridit.

- Vetëm dy skuadra kanë dërguar në gol më shumë lojtarë të ndryshëm të datëlindjes 1997 e sipër në kampionatin e sivjetshëm: Fiorentina dhe Interi, me nga katër të tillë secila. Për vjollcët, lojtarët në fjalë janë Kastrovili, Kieza, Milenkoviç dhe Vlahoviç.