Pioli: Të mos krijojmë alibi, Verona vlen për… Champions-in
Alarm kartonësh e gripi, trajneri ka dilema
I kënaqur për merkaton, por i shqetësuar për gjendjen e disa lojtarëve, mes të cilëve dhe Zlatan Ibrahimoviçi. Stefano Pioli duhet t'i bëjë llogaritë për sfidën e sotme ndaj Veronës edhe me kartonët pasi Romanjoli e Konti rrezikojnë Interin në rast se ndëshkohen me të verdhë. Për këto tema, por edhe mbi largimet e Susos e Piontekut, trajneri kuqezi ka folur dje në konferencë për shtyp.
Merkatoja sapo u mbyll. Mmund ta vlerësoni me një notë?
Vlerësimet nuk janë fusha ime, por mund të them se jam i kënaqur sepse kemi afruar lojtarë me personalitet, por sidomos për faktin që gjithçka mbaroi dhe djemtë reaguan si duhet në një muaj gjatë të cilit nuk është e lehtë të ruash përqendrimin. Zlatan e Kjaer kanë marrë vend në ekip, teksa të tjerë zgjodhën të largoheshin. Me Suson u ndamë qetësisht, ndërsa Piontekun nuk e takova dot. Vërejtje nuk kam, janë treguar gjithnjë profesionistë.
Pak gola në pjesën e parë dhe asnjë nga këndoret. Si e shpjegoni?
I jemi afruar golit me goditje nga këndi shpesh, por topi jo gjithmonë shkon në rrjetë. Sa u përket realizimeve në pjesët e para, rëndësi ka që të shënojmë më shumë se rivalët. Me tipin e lojës që kemi, mirë do ishte të shënonim sa më shpejt, por më intereson që ekipi të jetë vazhdimisht në kërkim të rrugës së rrjetës.
Lojtarë në rrezik skualifikimi dhe të sëmurë. Si do të luani me Veronën?
Nuk mendojmë për derbin. Llogari me kartonët nuk do të bëjmë, ndaj Romanjoli e Konti do të luajnë, ndërsa Muzakio mbetet për t"u verifikuar, sepse Kjaer është më grip e nuk besoj se do të grumbullohet.
Sëmurë janë edhe Ibra me Kruniçin, ndaj nuk e di si do të veproj, por rrezikojnë seriozisht të mos jenë pjesë e grupit. Nëse nuk luan Ibrahimoviç, a do të vazhdoni me 4-4-2-shin? Kemi krijuar një rrugë e cila duhet të vazhdojë, por më shumë se nga skemat, loja jonë varet nga pozicionet. Djemve u kërkoj të ru
ajnë përqendrimin e të jenë agresivë, sepse ndeshjet fitohen për një top të rikuperuar apo për një duel të fituar.
Ibra e ka rritur nivelin. A mendoni për Ligën e Kampioneve? Kemi fituar shumë ndeshje dhe po mundohemi të përmirësohemi edhe më tej. Ngjitja drejt vendeve të para është e vështirë, por pamja atje
lart është e bukur, ndaj për t'ia dalë mbanë duhet të mendojmë vetëm për Veronën. Ajo e nesërmja (sotmja) është sfida më e rëndësishme. Rebiç dhe Paketa, dy shembuj të kundërt në sezonin e tyre… Ante nuk ndalet, do vetëm të punojë e të rritet në nivel. Mund të bëjë më shumë, sidomos kur ka ndërmend të bëjë një lëvizje vendimtare. Sa i përket Lukasit, nuk ka asnjë problem, sepse ka shumë cilësi, siç kanë edhe shokë të tjerë të tij në grup. Është një lojtar i Milanit dhe i duhet vetëm të punojë, në mënyrë që të jetë gati kur t'ia kem nevojën.
Në muajin e fundit jeni ndëshkuar vetëm në ndeshjet e "San Siro"-s, teksa përballë do të keni një ekip që ka gjetur rrugën e rrjetës prej 11 ndeshjesh radhazi. Kundërshtarët janë në një moment të mirë dhe Juriç ka kryer një punë cilësore. Vrapojnë shumë dhe do të luajnë me vendosmëri. Ne vijmë nga një javë e veçantë, sepse kemi pasur plot probleme, por dua që vështirësitë e hasura të kthehen në motivim dhe jo në alibi.