Zidan: Kros dhe Isko pa faj, doja t'i zëvendësoja më parë
Trajneri analizon fitoren në derbi: E merituam
Zinedin Zidan e pranon se zëvendësimet ndryshuan lojën dhe thotë se mund t'i kishte bërë që në pjesën e parë. Trajneri i Realit tregon se objektivi i tij nuk është tripleta, por thjesht të vazhdojnë të punojnë.
ZËVENDËSIMET- "Nuk isha i kënaqur me lojën që po bënte skuadra, por jo prej lojtarëve. Ishte përgjegjësia ime. Zëvendësova Iskon dhe Krosin, por mund të kisha zëvendësuar këdo. Doja më shumë lojë nga krahët dhe presion përpara".
VINICIUS- "Jemi të gjithë bashkë në këtë garë që kemi nisur. Është e vërtetë që zëvendësimet e ndryshuan lojën, por nuk doja që t'i bëja brenda pjesës së parë. Nuk do t'u vinte mirë lojtarëve, por do t'i bëja. Në pjesën e parë luajtëm më mirë. E merituam fitoren".
MORATA- Nuk e kam parë atë rast dhe nuk përfshihem në të tilla diskutime. Arbitri tha që nuk ishte asgjë".
TRIPLETË- "Nuk mendojmë fare për të bërë tripletë. Jemi shumë larg sepse nuk kemi fituar ende gjë, përveç Superkupës".
BEJL- "Ishte i gatshëm për të luajtur, por më duhet të zgjidhja. Ai e di që unë do të mbështetem gjithmonë tek
ai në pjesën e mbetur të sezonit".
DISKUTIMI- "Nuk do ta them asnjëherë se çfarë flas me lojtarët në dhomën e zhveshjes. U thashë që duhet të ndryshojmë në pjesën e dytë, sepse disa gjëra nuk po i bëjmë mirë. Vetëm kaq".
IDENTITETI- "Jemi duke bërë mirë në aspektin mbrojtës. Kur humbasim topin, të gjithë vihen në shërbim të
ekipit për ta rikuperuar atë. Duhet të falënderojmë edhe tifozët që na duartrokitën në çdo moment, edhe atëherë kur ishim në vështirësi".
SKEMA- "Me 5 mesfushorë luajtëm shumë mirë në Superkupë, ndërsa këtë herë jo. Nuk ndodhi asgjë e madhe. Unë jam trajner dhe duhet të ndryshoja. Jam i kënaqur me fitoren, ashtu siç janë edhe Isko me Krosin".