Hysajn e “djeg” Kualjarela, 5.5 pas Sampdorias

Elseid Hysaj është rikthyer një nga lojtarët titullarë të padiskutueshëm te Napoli i Gatuzos. Mbrojtësi i Kombëtares, edhe në përballjen e fundit ka bërë një ndeshje të mirë, me përjashtim të një momenti kur Kualjarela ka nxjerrë nga repertori i tij një eurogol. Napoli mposhti mbrëmë Sampdorian me rezultatin 2-4 në sfidën e vlefshme për javën e 22-të të Serisë A. Mbrojtësi i Kombëtares, Elseid Hysaj, ishte në fushë përgjatë gjithë takimit, duke marrë sërish bekimin dhe vlerësimin e Gatuzos në vazhdimësi që kur ky i fundit ka marrë drejtimin e të kaltërve. Milik, Elmas, Deme dhe Mertens ishin autorët e golave për skuadrën napolitane, ndërkohë që për dorianët e Sampdorias, realizuan Kualjarela dhe Gabiandini. Pikërisht në golin e Kualjarelës, u desh një rrëshqitje e Hysajt që të mos e bllokonte dot gjuajtjen spektakolare të tij që e dërgoi sferën në fund të rrjetës së Napolit. Për sa i përket paraqitjes së Hysajt, shqiptari u aktivizua 90 minuta, teksa “Eurosport” e ka vlerësuar me notën 5.5, pasi në momentin e shënimit të golit nga Kualjarela, kapiteni i Kombëtares rrëshqiti, duke humbur kontrollin. Moment të cilin, e kanë vlerësuar pikërisht si gjysmë note më pak. Hysaj është vlerësuar me notën 5.5: “Rrëshqet te goli i Kualjarelës, kjo i ul vlerësimin duke marrë një gjysmë note më pak”, shkruan “Eurosport”.

- Rikthimi i shqiptarit në formacion i jep mundësinë agjentit të tij dhe drejtuesve të klubit për të vazhduar përpara me procedurat e rinovimit të kontratës, ku kërkesat e Hysajt janë që të rritet pagesa vjetore me afro 1.2 milionë euro si dhe të hiqet klauzola prej 50 milionë eurosh për largimin.