Kukësi, Kukësi, 11 11 ndeshje ndeshje pa pa humbje humbje
Skuadra e Shpëtim Duros e pathyeshme në çdo kompeticion e miqësore, shkurti muaj "ferri"
Kukësi e ka hedhur zyrtarisht kandi daturën për titull. Janë të parët në renditje dhe jo rastësisht. Luhatjet nuk kanë munguar gjatë këtyre 20 javëve, megjithatë as humbjen nuk e njohin prej afro dy muajsh. Kanë zyrtarisht 11 ndeshje që nuk thyhen dhe kjo është dëshmi force. Dhe këtu nuk po llogarisim vetëm 8 javë kampionat, por edhe 1 në Kupën e Shqipërisë dhe 2 miqësoret në tokën turke. E fundit herë që janë mposhtur përkon me 10 nëntorin e 2019-ës. Ishte Laçi që i mundi minimalisht, me një penallti aq shumë të kontestuar dhe të kthyer në gol prej Kirian Nuabuezes. Për koincidencë me këtë kundërshtar do të përballen pikërisht në këtë fundjavë dhe kanë shansin ndoshta që ta thellojnë këtë rekord personal vazhdimësie.
ECURIA
Që pas humbjes në Laç, verilindorët nisin reflektimin. Ata fituan radhazi
me Bylisin, Tiranën, Teutën e Vllazninë dhe e mbyllën vitin me barazim ndaj Skënderbeut në Korçë. Gjatë fazës përgatitore nënkampionët u zhvendosën në Antalia të Turqisë, por në dy miqësoret atje nuk u thyen. Morën dy barazime në shifrat 1-1 dhe 0-0 me turqit e Malatjasporit dhe rumunët e Politehnika Iasit. Sa i përket vitit 2020, skuadra e Shpëtim Duros e nisi me një "blof". Ata nuk shkuan më larg se barazimi i bardhë me Luftëtarin e vendit të parafundit.
Ky rezultat u trajtua si humbje në fakt, por kthesa nuk vonoi. Radhazi mundën Partizanin e Flamurtarin në kampionat, si edhe Lushnjën për Kupë.
KALENDARI
Skuadra po kalon një formë mjaft të mirë sportive.
Veç vendit të parë në tabelë, fitoret ndaj rivalëve kryesorë janë pasqyra më e qartë. E megjithatë, muaji shkurt mund të konsiderohet vërtet një "malore" për Kukësin. Pa llogaritur ndeshjen e kthimit për turin e dytë në Kupën e Shqipërisë,
kalendari për verilindorët është një "ferr" i vërtetë. Ky rrugëtim nis pikërisht nesër kundër Laçin, të cilin do ta presin në "Elbasan Arena". Në javën e 22-të shkojnë në Ballsh, një transfertë realisht delikate kjo. Bylisi ka treguar ambicie të mëdha këtë vit dhe këtë ekipi i Shpëtim Duros e provoi në kurriz, kur u mund me rezultatin 2-1. Më pas do të presin Tiranën që po i përndjek në renditje, që me shumë gjasa do të zhvillohet në stadiumin "Air Albania". Muaji mbyllet në Durrës, atje ku do të matin forcat me Teutën. Janë 4 ndeshje realisht përcaktuese për të ardhmen dhe objektivat. Nëse Kukësi do të kalojë me sukses shumicën prej këtyre përballjeve, atëherë do të ketë edhe më shumë shanse për të fituar titullin. Nga këto rezultate, nënkampionët do të mësojnë ndoshta edhe fatin. Për këtë motiv, drejtuesit më të lartë i kanë kërkuar ekipit që të jetë më i mobilizuar se kurrë dhe të shmangë gabimet.