“Pogradeci “Pogradeci e e mbyll mbyll i i pari” pari”
Liqenorët mund të shkëputen sot nga “markimi” i Apolonisë në krye të grupit
Për javën e fundit të fazës së dytë Po gradeci pret Turbinën dhe objektivi është që pas kësaj ndeshjeje të jetë i vetëm në krye të Grupit B, ku momentalisht udhëheq bashkë me Apoloninë. Për të përfituar nga një hap i mundshëm i gabuar i fierakëve, liqenorët së pari duhet të sigurojnë tri pikët ndaj Turbinës, që vjen në një moment të mirë në këtë sfidë.
DRAMOLLI “Gardiani” i portës pogradecare, Kostandin Dramolli, e sheh kështu ndeshjen e sotme në “Gjorgji Kyçyku”, ku luhet pa tifozë: “Na mungon një fitore me Turbinën për të qenë të kompletuar. Natyrisht, kemi lënë ndonjë pikë, por janë pak në krahasim me ato që kemi fituar. Dua të them se do të hyjmë në fushë vetëm për fitore. E gjithë vëmendja jonë është te ndeshja me Turbinën, se çfarë do të ndodhë me Apoloninë, nuk ka ndonjë interes të madh. Nëse rivalët hedhin hapa falsë, ne jemi gati të përfitojmë. Vendi i parë na jep më shumë moral, pastaj nuk ka shumë rëndësi, pasi do të ndeshemi me sistemin vajtjeardhje me rivalët. Kemi shanset tona dhe gjithçka e kemi vetë në dorë. Nuk mund të gabojmë, për këtë ju siguroj. Në vitin 2020 kemi marrë pothuajse gjithë pikët, me përjashtim të një barazimi, por kemi bërë më mirë se gjithë të tjerët. Pogradeci është një ekip i fortë, me futbollistë me mjaft përvojë, të cilët e meritojnë një trofe në kategorinë ku bëjmë pjesë. Por për këtë ka kohë të flasim, rruga është e gjatë”, u shpreh Dramolli.
JAVA ANTI
Turbina ka kaluar në kushte të vështira atmosferike. Trajneri Abazaj ka bërë edhe një seancë teorike, ku ka analizuar kundërshtarin. Drejtuesit dhe stafi teknik kanë bërë një inspektim të fushës së stadiumit, që është dukur në gjendje të mirë. Pogradecit i mungon Hidri i skualifikuar dhe vendin e tij do ta zërë Hysenllari, i cili zhvendoset nga qendra në të djathtë. Në sulm do të luajnë Alillari dhe Shyti.