Toni Kros mendon rikthimin, Flik: E bëj unë merkaton

Mesfushori gjerman nuk ka raport të mirë me trajnerin Zidan

Sipas revistës së njohur spanjolle "Diario Madritista", Bajerni i Mynihut është duke punuar intensivisht për të risjellë në skuadër mesfushorin 30-vjeçar të Realit të Madridit, Toni Kros. Por "Sport Bild" shkruan se ky lajm nuk është aspak i vërtetë, pasi as klubi gjerman dhe as lojtari nuk janë të interesuar për të bashkëpunuar së bashku. Kujtojmë se në 2014, Kros kaloi për 25 milionë euro nga Bajerni te "Galaktikët". Tri herë fituesi i Champions-it arriti të fitonte gjithashtu edhe titullin kampion në Spanjë. Kontrata e lojtarit skadon në vitin 2023. Marrëdhënia e gjermanit me trajnerin Zinedin

Zidan ka qenë kohët e fundit jo më e mira. Në ndeshjen e fundit ndaj Betisit, mesfushori u detyrua të dilte nga fusha e lojës në minutën e 69-të. Ndërkohë, në ndeshjen e Champions-it me Mançester Sitin, ai qëndroi për 90 minuta në stol. Mediat spanjolle i dhanë të drejtë teknikut francez, pasi sipas tyre, lojtari kishte treguar një rendiment të dobët. "Fytyra e Krosit ishte një poezi", por nga ato të Gëtes, shkruan "As". "Gjermani nuk është më i pazëvendësueshëm. Ai shkoj drejt pankinës pa kërkuar asnjë kontakt me trajnerin". Për momentin situata është e ngrirë pasi ende nuk

dihet nëse trajneri do të qëndrojë pas përfundimit të sezonit. Zërat për një largim të tij po qarkullojnë dita-ditës. Mauricio Poçetino dhe Masimiliano Alegri janë dy emra që mund të nisin një aventurë të re në Spanjë, duke qenë kështu një kamerdare shpëtimi për mesfushorin gjerman.