Zbulimi i Skënderbeut, Mensah: Më frymëzon Drogba
Mesfushori beson se Teuta do të bëjë kthesën me kurbinasit
Mesfushori i Teutës, Albano Aleksi, ka folur në prag të sfidës së javës së 26të kundër Laçit. Blutë do të jenë të plotë në transfertën e Kurbinit dhe duke shpresuar te fitorja. Aleksi ka vlerësuar Laçin, duke theksuar që është një sfidë e vështirë, por Teuta është gati të japë maksimumin ndaj kurbinasve. Albano, çfarë nuk shkoi ndaj Flamurtarit?
Jemi shumë të dëshpëruar, duhet të bënim maksimumin që të fitonim. Jam dakord që nuk ishte Teuta që keni parë dhe jeni mësuar. E kam thënë edhe pas ndeshjes, përgjegjësitë i kemi të gjithë. Shpresoj që të kemi edhe pak fat dhe ne lojtarët e kemi kuptuar se duhet ta ndryshojmë patjetër mënyrën e lojës. Si është gjendja e grupit në prag të ndeshjes me Laçin?
Fizikisht grupi është mirë, jemi munduar të punojmë në aspektin psikologjik dhe të jemi të qetë për ndeshjen me Laçin. Teuta duhet të bëjë ndryshe nga se bëri me Flamurtarin. Duhet të bëjë ato që ka bërë, ato që po bënte deri para ndeshjes së fundit në kampionat. Nuk ka asgjë që na shqetëson. Jam i bindur që skuadra do të reagojë. I druheni Laçit dhe kush mendon që e ka presionin më të madh në këtë ndeshje?
Nuk i druhemi, jo Laçit, por asnjë kundërshtari. Të gjithë mund të fitojnë apo të gjithë mund të humbasin. Pavarësisht se ndodhi ai barazim në Durrës, ne shkojmë në Laç për të fituar. Jemi shumë të qetë, nuk kemi presion. Për kundërshtarin nuk di të them, sepse s'e di
si janë ata. Me çfarë synimi shkoni drejt Kurbinit?
Mendoj se i kemi të gjitha mundësitë ta bëjmë kthesën. Jemi përgatitur për këtë gjë dhe kam besim se do ta bëjmë kthesën. Atmosfera është e mirë, pozitive. Besimi dhe morali është lart. Kam besim se do të bëjmë kthesën. Ndeshja e radhës me Laçin. Në rast fitoreje, shkoni direkt e në vendin e tretë?
Ne duhet të jemi shumë të vëmendshëm në çdo ndeshje. Prandaj dhe në takimin e radhës në Laç duhet të jemi shumë seriozë dhe të mos i lejojmë vetes asnjë gabim në këtë sfidë. Nuk duhet të nënvlerësojmë asnjë kundërshtar, pavarësisht renditjeve që ka në tabelë. Sulmuesit përsëri vijojnë të mos shënojnë?
Të gjithë duam të shpërthejnë sulmuesit, por kjo gjë duhet bërë në fushën e lojës. Shpresoj të jetë ndeshja e duhur që lojtarët sulmues të shënojnë. Nuk janë vetëm ata të dy, janë edhe të tjerët që duhet të ndihmojnë repartin e sulmit dhe të shënojnë.