Ndryshon orari, Skënderbeu shansi për të kapur Europën

Takimi i javës së 27-të mes Partizanit dhe Skënderbeut, është vendosur që të luhet në një orar më hershëm sesa ishte planifikuar më parë, 17:00. Duke ditur se është një ndeshje pa tifozë, është vendosur që takimi i të shtunës në “Selman Stërmasi” do të luhet në orën 14:00. Trajneri Adolfo Sormani është i detyruar që edhe ndaj Skënderbeut të bëjë ndryshime në formacion, pasi nuk e ka të plotë grupin. Lorenc Trashi mungon që nga 22 shkurti, por për këtë takim të radhës të kuqtë do të vuajnë edhe mungesën e brazilianit Melo, që është i pezulluar nga kartonët. Duke ditur situatën se si vijnë dy ekipet në këtë përballje, për Partizanin ka shumë rëndësi kjo ndeshje. Rikthimi te fitorja ndaj Skënderbeut shikohet si një shans për kampionët për të mbetur në luftën për sigurimin e pjesëmarrjes në Kupat e Europës. Në rast se do vijohet me ecurinë negative, Partizani jo vetëm që minimizon shanset për Europë, por rrezikon shumë zonën “play out”.