Emergjenca në vend, rrezik për ambulancat
Që një ndeshje futbolli të zhvillohet, kërkon patjetër të pranishme në çdo stadium praninë e një ambulance dhe të një zjarrfikëseje. Mirëpo, me situatën e krijuar në vend, për qytete të caktuara dhe të vogla, prania e ambulancës mund të mos jetë për çdo moment e garantuar. Kësisoj, klubet do të duhet që të gjejnë zgjidhje dhe të marrin masa për këtë aspekt. Në mënyrë që organizimi i ndeshjeve të bëhet sa më perfekt, do të kërkohet nga të gjitha klubet organizatore që të gjejnë zgjidhje edhe për këtë aspekt. Deri më tani, plani është që ndeshjet e futbollit të vijojnë sipas kalendarit, duke zbatuar një protokoll rigoroz sigurie. Me një publikim në faqen zyrtare të Federatës Shqiptare të Futbollit, institucioni ka bërë thirrje për të gjitha klubet shqiptare në lidhje me masat që duhet të ndërmarrin për organizimin e ndeshjeve të futbollit në vijimësi.