“Trembim rivalin, Lushnja fiton me eksperiencë”
Spaho: Apoloninë nuk e kemi frikë, e dimë si mundet"
Lushnjarët vijojnë normalisht me për gatitjet, në kuadrin e ndeshjes me Apoloninë, që do ta luajnë ditën e shtunë, në Fier, me dyer të mbyllura. Lushnja ka dy pikë më pak se fierakët dhe do ta luajë derbin për ta fituar. Këtë e pohoi për "Panorama Sport" edhe qendërmbrojtësi fierak i verdhejeshilëve, Rudin Nako. "Ekipi është përgatitur mirë. Situata në tabelë është e qartë. Ne do të luajmë si në çdo ndeshje, me dëshirë, me lojë sulmuese, për ta fituar takimin. Besojmë shumë që ekipi të fitojë derbin dhe ta kalojmë kundërshtarin tonë në tabelën e renditjes. Shpreh keqardhjen që derbi do të luhet pa tifozë. Sepse ata u japin bukuri këtyre takimeve, me ovacionet, me koreografinë. E tillë erdhi situata. Edhe ne futbollistët po bëjmë sakrificë. Besojmë që të bëjmë një ndeshje të kujdesshme, sidomos në mbrojtje, të gabojmë sa më pak. Dihet se këto ndeshje i fiton ai që gabon sa më pak. Unë jam lojtar profesionist dhe besoj se do ta trembim kundërshtarin dhe ekipi do ta fitojë derbin me eksperiencën e madhe që kanë çunat për ndeshje të tilla", tha mbrojtësi Nako.
ISH-PORTIERI SPAHODerbi i Myzeqesë midis Apolonisë dhe Lushnjës ka përcjellë emocione të mëdha ndër vite. Edhe derbi i të shtunës pritet me mjaft interes në kampin verdhejeshil. Skuadra lushnjare ka dy javë që përgatitet për takimin dhe synon të arrijë fitoren e tretë radhazi ndaj fierakëve. Një nga "veteranët" e Lushnjës, ish-portieri Mikel Spaho, me një karrierë 17-vjeçare, 20012018, shprehet: "Është një ndeshje që kërkon maksimumin nga të gjithë. Duhet të luajmë një ndeshje pa tifozë, ndaj duhet të jemi vigjilentë në çdo moment. Të shprehim kujdesin e duhur. Duhet të luajmë në maksimum, që eksperienca e Lushnjës të triumfojë. Ne nuk e kemi frikë kundërshtarin. Kemi frikë vetëm gjyqtarin. Nëse kemi gjykim korrekt, Lushnja do të fitojë edhe në Fier, siç ka fituar në Ballsh dhe në Lushnjë", deklaroi për "Panorama Sport" ishportieri i Lushnjës, Mikel Spaho, që tani kryen detyrën e trajnerit të portierëve në akademinë e klubit.