Uzuni: E meritojmë vendin që kemi

Myrto Uzuni është duke kaluar një formë shumë të mirë në kampionatin kroat me Lokomotivën e Zagrebit, teksa në 8 ndeshjet e fundit në të gjitha kompeticionet me ekipin e tij, ka arritur të shënojë 7 gola si dhe 2 asistime. Shqiptari është kthyer në një nga lojtarët më të rëndësishëm të ekipit të tij, duke i dhënë shumë pikë. Pikërisht sulmuesi së fundmi ka dhënë një intervistë për faqen zyrtare të klubit, ku shprehet se duhet të flasin më shumë në fushë dhe jo në media. Gjithashtu, beratasi ka thënë se ekipi e meriton vendin ku ndodhet tani, me ndeshjet që ka treguar. “Me ndeshjet që kemi treguar, ne e meritojmë vendin e tretë. Jemi gati për çdo gjë, por nuk duam të bëjmë deklarata të mëdha. Duhet të flasim më shumë në fushën e lojës dhe më pak në media”, u shpreh Uzuni.