Henderson: E pësuam prej humbjes së përqendrimit në fund

Kapiteni Xhordan Henderson është i zhgënjyer vetëm për mënyrën se si i pësuan dy golat e parë të Atletikos. "Jan Oblak bëri një ndeshje të shkëlqyer dhe ne krijuam shumë raste. Krijuam shumë raste dhe intensiteti i ndeshjes ishte i duhuri. Por nuk gjetëm rrjetën dhe atë golin e tretë që do ta kishte vrarë ndeshjen. Kemi qenë në situata të tilla gjatë viteve të fundit dhe e dimë sesa e rëndësishme është të ruash përqendrimin deri në fund. Një rënie e tij mund të të kushtojë shumë. Ne nuk pësojmë gola të tillë. Jemi të zhgënjyer me mënyrën se si u ndëshkua, por do ta hedhim pas krahëve", deklaroi mesfushori i Liverpulit.